Proverbios 8:20 - Kashibo-Kakataibo Biblia

²⁰ ꞌËn kana ñu upí ꞌati sinani bai puntëtan nikësa ꞌixun, upí ñushi ꞌati sinanin.

Proverbios 8:20 ပူးပေါင်းရင်းမြစ်များ

Salmos 23:3

ꞌianan ka amiribishi ami kushitëkënun ꞌë ꞌimiaxa, ꞌimianan ka bai upitan nikësa ꞌinun uisa ñu kara upí ꞌikë ashi ꞌanun ꞌë ꞌunánmia, ax ka usakin ñu ꞌaxunkin aín anë rabiti kuëënia.

Salmos 32:8

Nukën ꞌIbu ka ësai kia: ꞌën kana mi usakinmi ñu ꞌati ꞌunánmiti ꞌain, ꞌianan kana ꞌën ꞌunánmikin bana ñuixunti ꞌain, kianan kamina uisa upí ñu karana ꞌati ꞌai ꞌë ismikatsi kian.

Proverbios 3:6

Kamabi ñu ꞌakin kamina Nukën ꞌIbu Dios mia ꞌakinun a pain ñukáti ꞌain, usokinmi ꞌakëxun ka kamabi upíokin ꞌanun mi ꞌamiti ꞌikën.

Proverbios 8:19

ꞌËn ꞌinánkë ax ka kuri charokëxa upíira ꞌikë iskësamaira ꞌikën; ꞌimainun ka ꞌën ꞌinántisa tankë ax manë uxua upisamaira ꞌikën.

Proverbios 8:21

Usa ꞌixun kana an ꞌë nuibakë akamaribi ainan ꞌiti ñu ꞌinánti ꞌain; usokin ꞌakëx ka aín xubukamanu ꞌitsaira ñu upíñu ꞌiti ꞌikën.

Isaías 2:3

usa ꞌain ka bëtsi bëtsi menu ꞌikë ꞌitsaira uni anu bëbai, bëtsibë bëtsibë kánani kikanti ꞌikën: “Diosan bashi anuxun a rabiti xubu ꞌakë anu kananuna kuaruti ꞌain, anu ka Jacobnën rëbúnki Israel unikama Dios anuxun rabiti xubu ax ꞌikën, anuxun ka uisai karanuna tsóti ꞌai kixun an nu ꞌunánmiti ꞌikën, ꞌunánmikëx kananuna ax kuëënkësabi oi tsóti ꞌain.” Usa ꞌain ka Jerusalénnuxun Diosanbi ꞌain bana nukama ꞌunánmiti ꞌikën.

Isaías 49:10

Usakin ꞌai kamina mitsun piti ñu ꞌitsaira ꞌianan a shimakin xëati ꞌumpax upíñu ꞌiti ꞌain, ꞌianan kamina barin xarokëxun tani masátima ꞌain, ꞌën kana nuibakin bërúain usa ꞌain, usa ꞌain kana ꞌumpax upíbu manámi ki chikíkë anu buánti ꞌain.

Isaías 55:4

Mitsun kamina ꞌunánti ꞌain ꞌën kana, bëtsi bëtsi menu kuankian aín ꞌapu ꞌixun ñu ꞌunánmikin ꞌën ꞌunánmikë banakama ñuixunun xuakën.

Juan 10:3

Axa ucëbëtan an xëcuë xëócacë unin xëócacëbë atsínxuan an bërúancë unin aín anën cuëncëxun ca carnerocaman aín bana cuatia. Cuabëtsinia aia ca cënënua ëman buania.