Proverbios 8:17 - Kashibo-Kakataibo Biblia

¹⁷ ꞌËn kana uikaman kara ꞌë nuibatia a kamaribi nuibatin, ꞌimainun ka uikaman kara ꞌë baria a kamanribi ꞌë mëraia.

Proverbios 8:17 ပူးပေါင်းရင်းမြစ်များ

Salmos 91:14

“ꞌËn kana kamabi ñu ꞌaisamakama ië́miti ꞌain, an ka nuibanan ꞌë ꞌinánxa usa ꞌain.

Proverbios 1:28

Usai ꞌikin kamina a nëtën ꞌakinnun kixun ꞌë kuënkanti ꞌain, ꞌaínbi kana ꞌën mitsun kakëxunbi kuashiti ꞌain; usokëxun barikinbi kamina ꞌë mërakantima ꞌain;

Proverbios 8:16

ꞌËn kana ꞌapukama aín kushibu, ꞌimainun anun sipuanuxun kati bana kikësabiokin ꞌapukama anun ꞌamin.

Eclesiastés 12:1

An kamabi ñu unio min ꞌIbu Dios a kamina mix bëná ꞌixuinshi sinánti ꞌain, anun tëmërati nëtë ka ꞌinuxun ꞌaia usa ꞌain; ꞌianan ka anunmi ësai ki banati baritiaribi ꞌiti ꞌikën: “ꞌËn ënë nëtënu tsókin ꞌakë ñukama anbi ka ꞌë kuëënmitima ꞌikën.”

Isaías 45:19

ꞌËx kana unëax banananbi uinu kara me bëánkibukë ꞌikë anuaxbi banaima. ꞌËn kana Jacobnën rëbúnkikama kaiman: ꞌË kamina anu ñu ꞌikë anua barikanti ꞌain. ꞌËx mitsun ꞌIbu ꞌaish kana asérabi këmëima upiti banai ësai ka ñu ꞌiti ꞌikë kin.

Isaías 55:6

‘Bërí kamina mëratisa ꞌikëishi Nukën ꞌIbu barikanti ꞌain, ꞌianan kamina bëría mi ꞌurama ꞌikëishi kuënti ꞌain.

Mateo 6:33

Usa ꞌain camina ainan ꞌianan ax cuëëncësabi oquin pain ꞌati ꞌain. Usaquin ꞌacëbëtan ca an anúnmi mitsux upitax bucuti ñucama aribi mitsu ꞌinánti ꞌicën.

Marcos 10:14

Usaquian caia isi nishquin ca Jesusan cacëxa: —Cuantánun caxunma ca tuá xuracama ꞌënua unun ën. ꞌËmi catamëtia Nucën Papa Diosan ainan ꞌimicë unicamax ca ënë tuá xuracamasaribi ꞌicën.

Juan 14:21

An ꞌën bana ꞌunánquin ax quicësabi oquin ꞌacë uni ax ca axa ꞌëmi asérabi sináncë uni a ꞌicën. Axa ꞌëmi sináncë uni a ca ꞌën Papánribi nuibatia. Usaribi oquin cana ꞌënribi a uni nuibaquin uisaira carana ꞌëx ꞌai quixun ꞌunánminuxun ꞌain.

Juan 14:23

Cacëxun ca Jesusan cacëxa: —Uix cara ꞌëmi sinania, ax ca ꞌëx quicësabi oi ꞌiti ꞌicën. Usai ꞌia ca ꞌën Papan nuibati ꞌicën. An nuibacëbë cana ꞌën Papabë ꞌëxribi a unibë ꞌiti ꞌain.

Juan 16:27

An ca asérabi mitsu nuibatia. Mitsúxmi ꞌëmi sinánan ꞌëx cana Nucën Papa Diosnuax uá ꞌai quixun sináncë cupí ca an mitsu nuibatia.

Juan 5:4

Caíncëxuan uisa nëtën cara ꞌibutia, a nëtën ꞌibúxun ángelnën a ꞌunpax cubínmicëbë caísa ax paían anu butucë, uisa ꞌinsínñu cara, a uníxbi pëxüacëxa.

Juan 7:37

Anúan judíos unicama Nucën Papa Dios rabinux Jerusalénu timë́cë nëtëcama sënë́nuxa pëcaracë nëtë ax ca a nëtëcamasamaira ꞌiacëxa. A nëtën ca nirui munuma banaquin Jesusan ësaquin unicama cacëxa: —Ui unix cara uníxa shiman bamai ꞌunpax ꞌaisa tani bënë́cësaribi oi ꞌënan ꞌiisa tani bënëtia a unix ca ꞌë cai ꞌëmi catamëti ꞌicën.

Santiago 1:5

Uisaira caramina ami cushiti ꞌai quixun ꞌunáncëma ꞌixun camina Nucën Papa Dios ñucáti ꞌain. Ñucácëxun ca an mi usaími ꞌiti ꞌunánmiquin cushioti ꞌicën. An ca an a ñucácë unimi nishquinma cuëënquin upí oquin ꞌunánmia.

1 Juan 4:19

An paían nu nuiba ꞌain cananuna nuxribi Nucën Papa Diosmi sinani ami catamëtin.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.