Proverbios 8:14 - Kashibo-Kakataibo Biblia

¹⁴ Ënu ka anun ësëananti a ꞌimainun anun ñu upíshi ꞌakin pëuti ax ꞌikën, ꞌianan kana ꞌëx anun ñu ꞌunainra ꞌiti a ꞌianan, kana kushiñu ꞌiti aribi ꞌain.

Proverbios 8:14 ပူးပေါင်းရင်းမြစ်များ

Proverbios 1:25

Usai ꞌikin kamina ꞌën kakëxunbi ꞌën bana kuaisama tankin timakan; ꞌimainun kamina usai kamina ꞌitima ꞌai kakin ꞌësëkin kakëxunbi ꞌën bana kuaisama tankan.

Proverbios 24:5

Uni ñu ꞌunán ax ka kushi unibëtan sënë́maira ꞌikën; ñu ꞌunánti ax ka unin kushisamaira ꞌikën,

Isaías 40:14

¿Uin kara usakian ñu ꞌanun kixun ꞌësëanan usakin kamina ñu ꞌati ꞌai kixun kuamikin kakëx? ¿Uin kara usakin kamina uni ꞌati ꞌai kixun istánkëxuan ꞌanun ꞌunánmiakëx? ¿Uin kara uisai kara ënë nëtënu ꞌikë ñukama uniakëxa kixun ꞌunánmiakëx? ¿Uin kara usakin ñu unáni kamina sinánñuira ꞌiti ꞌai kixun ꞌunánmiakëx?

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Juan 1:9

An aín sinan upíira ꞌixun uni upí ꞌimiti axa uti ñuiquin ca Juanën unicama ñuixuancëxa.

Romanos 1:22

—ꞌËx cana sinánñu ꞌai —quicë ꞌaíshbi ca sinánñumasa ꞌicën.

1 Corintios 1:24

A unicama usai ꞌimainunbi ca uicama cara Nucën Papa Diosan Cristomi catamënun sinánmicë ꞌicë acama, judíos unicama ꞌimainun griego banan banacë judíosma unicamanribi, —Cristo cupíshi ca Nucën Papa Diosan upí oquin sinánquin nun ꞌuchacama tërë́nquin ainan ꞌinun nu ië́mia —quixun ꞌunania.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

Colosenses 2:3

An camabi ñu ꞌunáncë ꞌixun ca ainan cupíshi Cristonën aín unicama ꞌunánmia.