Proverbios 8:13 - Kashibo-Kakataibo Biblia

¹³ Uin kara Diosan kakësokin ꞌaia an ka ñu ꞌatimakama a timati ꞌikën. ꞌËx kana rabiakakë ꞌimainun, bëtsi unibëtan sënë́nma kana ꞌai kikë uni ami ꞌianan, ꞌatima ñu ꞌakë ꞌimainun këmëi banakë uni amiribi nishin.

Proverbios 8:13 ပူးပေါင်းရင်းမြစ်များ

Job 1:1

Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Salmos 119:104

Min banakama anuabi kana ꞌupiokin kuakin ꞌunan; usa ꞌixun kana unin këmëkinshi ñu ꞌakëkama a timain.

Éxodo 1:17

Usakian kakëxunbi ka an nachikitia xanukama ꞌakinkë Sifrá ꞌimainun Puá an Diosmi rakuë́kin ꞌapu faraónën kakësabiokin akinma bëbu tuákama kanitanun ëankëxa.

Proverbios 15:9

Nukën ꞌIbu Diosan ka uni ꞌatima sinánñukama atux ꞌatimati tsókë a kuëënima; ꞌaínbi ka axa aín bana kikësoibi ꞌikë unikama a kuni nuibatia.

Proverbios 3:7

Min sinanën kamina ꞌëx kana ñu ꞌunainra ꞌai kiax kitima ꞌain; usai ꞌikima kamina Diosmishi katamëkin ñu ꞌatima ꞌatimi sinánkë a manuti ꞌain:

Amós 5:15

¡ꞌAtima ñu a timakin kamina! ¡Upí ñuishi ꞌati ꞌain! anuxun bana mëníoti anuxun kamabi upíokin ꞌakinkëbë; sapi ka Dios, kamabi kushiñu ax mitsubë ꞌiti ꞌikën, usai ꞌikin ka axa raíri këñumainun tsókëpan Israel unikama a nuibati ꞌikën.

Amós 6:8

Usa ꞌain ka Dios ax asérabi sinanatëkëntima oi ësai kiaxa; Dios kamabi kushiñu ax ka usai kia: ꞌËn kana Jacobnën rëbúnkikamaxa rabiakakë a kuëëniman usa ꞌain kana ꞌapun xubukamanua ꞌikë ñu upíbu; a axa ami nishkë unikaman atun ëmanua buántanun ꞌamiti ꞌain.”

Romanos 12:9

Mitsux asérabi Jesucristomi catamëcë uni ꞌaish camina paránanima asérabi bëtsibë nuibananti ꞌain. Ñu ꞌatima ꞌati cuëënquinma usa ñu timai camina Nucën Papa Dios cuëëncësabi oíshi ꞌiti ꞌain.

1 Tesalonicenses 5:22

Uisa ñucamax cara ꞌatima ꞌicë, acama ënquin camina uisa ñu ꞌatimaratsubi ꞌatima ꞌicanin.

2 Timoteo 2:19

Unían bëtsi bëtsi ñu sináncë ꞌaínbi ca sinanatëcë́ntima oquian, xënibua ꞌaínbi usabi ꞌiti oquin, Nucën Papa Diosan ꞌinan bana, ënëx ësai quia: “Uicamax cara asérabi ainan ꞌicë quixun ca Nucën ꞌIbu Diosan ꞌunania”. Quianan ca ësairibi quia: “Uicamax cara —ꞌëx cana Cristonan ꞌai —quia, an ca ñu ꞌaisama ꞌati ënti ꞌicën”.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.

1 Samuel 2:3

Uinu ꞌikë uníxbi ka ax kuëënkësa oi banatima ꞌikën, ꞌimainun ka uixi ꞌitsaira rabiakati banatima ꞌikën, Diosan ka ax Dios ꞌixun kamabi ñu ꞌaia, an ka kushiira ꞌixun kamabi unin ꞌakë ñu ꞌunankin ꞌatima oia.