Proverbios 8:11 - Kashibo-Kakataibo Biblia

¹¹ Ñu ꞌunáinrakë ꞌiti ax ka maxá upíira pënë́kë abëbi sënë́nmaira ꞌianan; ¡kuëëinrakin bikë ñukama axi abë sënë́nma ꞌikën!

Proverbios 8:11 ပူးပေါင်းရင်းမြစ်များ

Salmos 119:103

Mix usai ñu ꞌakatsi kikë bana ax ka bata ñubëtan sënë́nmaira ꞌikën, usa ꞌaish ka buna rëpa ain banua tankësamaira ꞌikën.

Salmos 19:10

¡Usa ꞌaish ka kuri upíira kupíkë usamaira ꞌikën! ¡ꞌianan ka buna rëpa bataira ꞌain bánu ꞌikë usaribi ꞌixun nu ꞌunánmia!

Proverbios 31:10

Xanu an ñu ꞌati ꞌunán irakë ax ka ꞌashi buinxun bënë́kinshi mëratisama ꞌikën; ¡usa xanux ka ñu ꞌupíira iskësamaira ꞌikën!

Mateo 16:26

Unix ca ënë nëtënuax ꞌitsaira ñuñu ꞌiti ꞌicën, ꞌaíshbi ca Nucën Papa Diosmi sináncëma ꞌaish abë upíma ꞌianan aín nëtënu abë ꞌitima ꞌicën. Usa ꞌain ca axa bamacëbë aín ñucama ax ñancábia bicë ꞌicën. ¿Nucën Papa Diosbë bamatimoi tsónuxun cara unin añu ñun cupíoti ꞌic? Anun cupíoti ñu ca ꞌaíma ꞌicën.

Deuteronomio 30:13

ꞌImainun ka a banax parúmpapa ꞌukëmanan ꞌikën, mitsux ësai kinuma: ¿Uin kara parúmpapa sikarakëtankëxun ꞌunánbëtsini uxun ënë bana kikësabiokin kananuna ꞌati ꞌai kixun ꞌunánmikin nu kati ꞌik?