Proverbios 7:8 - Kashibo-Kakataibo Biblia

⁸ Iskëx ka anun xubunu kuanti bai kuanx anu këñúkë anun shitákiani, kuani amia xanu aín xubu ꞌikë amibi kikiani kuankëxa.

Proverbios 7:8 ပူးပေါင်းရင်းမြစ်များ

Proverbios 7:12

kuainbëkinishi ëmanu nianan anua uni tanti tsóti ꞌakë, ꞌianan anun uni nikë bai aín sënë́nkë anuxunbi kainxun, uinu ꞌikë uni pain kara mëraia a bixun banakinkë xanu ꞌiakëxa.

Proverbios 7:27

Uinu ꞌikë unikamax kara aín xubunu atsínia, ax ka aín ñuti baria anu kuankë ꞌikën.

1 Corintios 6:18

Usa uni ꞌimainun usa xanumi camina ꞌunánti ꞌain. Aín xanu ꞌaímabi xanu itsibë ꞌicë uni ꞌimainun xanúxmabi uni itsibë ꞌicë uni an ca abi aín namibi ꞌuchoquin ꞌatimamia. Ñu raíri ꞌaisama ꞌaquinbi ca unin usoquin aín nami ꞌuchoima.

2 Timoteo 2:22

Bëná unicaman ñunshínquin ñu ꞌacë, usaribi oquin ꞌati sinántima cupí camina atumi ꞌunánti ꞌain. Usai ꞌi camina axa aín nuitu upí ꞌaish Nucën ꞌIbu Diosbë banacë unicamabëtan upí ñuishi ꞌanan Jesucristomi catamëti, abë nuibanani pëcananíma chuámashi ꞌiti ꞌain.

Judas 1:23

Uni raírinëxa aín ñu ꞌatima ꞌacë cupí Nucën Papa Diosnanma ꞌicëbi camina amia sinánun ꞌaquinti ꞌain, tsinuaxa xaráti ꞌicëbi uni bicësaribi oquin. Usaribi oquin camina uni raíriribi nuibaquin upí ꞌinun ꞌaquinquinbi axa ꞌatima ꞌicësaribi ꞌitin rabanan bërúinra oti ꞌain, ax ꞌaisama cupía, aín chupáxbi chuaíracësa ꞌicë timacësa oquin aín ꞌucha timaquin.

Jueces 16:1

Achúshi nëtën ka Sansón Gaza kakë ëmanu nitsi kuankëxa. Kuanxun ka anua achúshi xanu bëtsi bëtsi unin aín nami ꞌakë mërax aín xubunu abë a imë́ ꞌi bërúakëxa.