Proverbios 7:7 - Kashibo-Kakataibo Biblia

⁷ uni bënákama an usa ka kixun ñu ꞌunairakëmakama, anu ꞌiakëxa, atubë ka achúshi uni bëna an ñu ꞌatima ꞌati kuëëinrakë ꞌiakëxa usa ꞌikë kana a isakën.

Proverbios 7:7 ပူးပေါင်းရင်းမြစ်များ

Salmos 119:130

Usa ꞌain ka an ꞌunánkë uni an ñuixunkëxun kuakin, min bana sinan mëninñushi unikama atúnribi kuankin ꞌunania.

Salmos 19:7

Diosan banax ka upíira ꞌikën, an ka nu upiti tsónun ꞌimia an ꞌakë ñukama ax ka upí ꞌikën. Kamabi Dios kikë bana ax ka asérabi ꞌikën, an ka uni mënin sinánñushi usa ꞌikëmabi sinánñuira ꞌinun ꞌimia.

Proverbios 1:22

Uni bënákama mitsux kamina usai ꞌiti ka kixun bënë́kinshi ñu ꞌatima ꞌaisa ꞌianan, usakin ñu ꞌakëxa asábi ꞌikë kiax ami kuaianan bana kuakëma ꞌikanin, ¿usa sinanbu ꞌixun kaina uínsarainra mitsun usai ꞌikin ñu unántisama tani ami kuaikë akama ënkanti ꞌain?

Proverbios 1:32

Axa bënë́kinshi ñu ꞌatima ꞌamitisa unikama ax ka ñuti ꞌikën upíokin sinánxun ñu ꞌakëma kupí, ꞌimainun ka an bana kuakëma unikama atúxribi anbi bërúankakin ñu ꞌakëma anunbi ꞌaisama orakakë ꞌiti ꞌikën,

Proverbios 1:4

a banakaman ka uni bënábu ñu ꞌunairakëma ꞌikëbi, upíokin ꞌunánkin a banakama kikësabiokin ꞌai sinanakin chuámarua tanun ꞌimia.

Proverbios 22:3

Uni an sinánkin ñu ꞌakë an ka ꞌaisa ꞌikëbi a ꞌaxi ꞌaisama ꞌiisa iskin ñu ꞌaima; ꞌaínbi ka sinánñuma uni ax kuainxunshi ñu ꞌakë anunbi tëmëraia.

Proverbios 8:5

Bëná unikama ñu ꞌunairatisamakama, ¡mitsun kamina ꞌashi buinxun upíokin ñu ꞌati ꞌunánti ꞌain!

Mateo 15:16

Cacëxun ca Jesusan cacëxa: —¿Mitsúnribi caramina ꞌën cacëxun ꞌën bana cuatiman?