Proverbios 7:12 - Kashibo-Kakataibo Biblia

¹² kuainbëkinishi ëmanu nianan anua uni tanti tsóti ꞌakë, ꞌianan anun uni nikë bai aín sënë́nkë anuxunbi kainxun, uinu ꞌikë uni pain kara mëraia a bixun banakinkë xanu ꞌiakëxa.

Proverbios 7:12 ပူးပေါင်းရင်းမြစ်များ

Proverbios 23:28

ꞌIanan ka a xanux, an ñu mëkamakë uníxa aín ñu binuxun uni ꞌanux unëkë usaribi ꞌikën, usa ꞌixun ka ꞌitsaira uni aín nami ꞌai anuribi anuribi kuankin ñu ꞌatima ꞌanun ꞌimia.

Proverbios 7:8

Iskëx ka anun xubunu kuanti bai kuanx anu këñúkë anun shitákiani, kuani amia xanu aín xubu ꞌikë amibi kikiani kuankëxa.

Jeremías 2:20

Bërí ka ꞌitsabaritia anun mitsun ꞌën bana kuaisamatani ꞌikan ꞌikën, usai ꞌi kamina ꞌëbë ënanankësa ꞌiakën, ꞌianan kamina ꞌë rabitisama tani ꞌikankën. Usai ꞌikin kamina ꞌë kakën: Bërí kananuna min kakësokin ꞌatima ꞌai kixunribi ꞌë kakankën. ꞌIanan ka kamabi aín bashi manámi ꞌikë ꞌimainun i pëñanakëkëkama tëmúxun, xanun uni aín nami ꞌami ꞌikësaishi niakën.

Jeremías 2:33

¡Upiokin kamina ꞌunan uisakin kara unin aín kuëënkë xanu baria kixun! ¡Usa ꞌixun kamina anuxun ꞌatima ñu ꞌati xubu anuxun ꞌakësa ꞌinun ꞌatima ñu ꞌati ꞌunánkan!

Jeremías 2:36

¿Uisa kupín kaina bëtsi unikamabë biranankatsi kixun bënë́kinshi sinanin? Usa ꞌaínbi ka Egipto menu tsókë unikaman ka mitsu ꞌakintima ꞌikën, Asiria menu tsókë unikaman mitsu ꞌakianmasa okin.