Proverbios 6:17 - Kashibo-Kakataibo Biblia

¹⁷ ax ka an ꞌatimakin bëtsi uni iskë, ax këmëi banakë uni, uni an uisa ñubi ꞌakëmabi bëtsi ꞌakë uni,

Proverbios 6:17 ပူးပေါင်းရင်းမြစ်များ

Proverbios 1:11

Atun sapi ka mi kati ꞌikën: Nukamabë kamina kuani uti ꞌain; nun kananuna uisokin ꞌaisa kara istánkëx anuxun ñu ꞌatima ꞌatinu unëti ꞌain, usakin ꞌatankëxun kananuna anu pakëtia uisa ñu ꞌakëmabi uni ꞌaxun aín ñukama unë́xun kainxun biti ꞌain.

Proverbios 1:16

usai ꞌikin ka atun bënë́kinshi ñu ꞌatima ꞌati sinánxun ꞌaia; ¡ꞌianan ka bënë́kinshi uni aín imi ꞌapamikin ꞌati sinánxun ꞌaia!

Proverbios 6:16

Anu ka mapai achúshi ꞌimainunbi, achúshiribi a ꞌatia Dios kuëënkëma a ꞌikën:

Isaías 1:15

Uínsaran kaina ꞌë ñukákin manámi okin mëkën birui ëbë banain, anunbi kana ꞌën usakin ꞌaia mitsu istisama tani ꞌamo kuainakëtin; ꞌimainun kana ꞌitsaira ëbë banakin ñukákëxunbi, ꞌën a banakama kuatima. Mitsun mëkënkama ax ka anun uni ꞌakë ꞌaish imin mëshikikësa ꞌikën.

Jeremías 26:15

ꞌAínbi kamina mitsun upíokin ënë ꞌunánkanti ꞌain: mitsunmi ñu ꞌatima ꞌakëmabi ënë ëmanu ꞌikë unikamabëtan ꞌë ꞌax kamina ꞌuchokë ꞌikanti ꞌain; asérabi ka Nukën ꞌIbunbi ꞌë ënë bana upíokin ñuianan kamabi a ñukama chikinakin ñuinun ꞌë xuaxa.”

Juan 8:44

Mitsun papax ca ñunshin ꞌatimanën ꞌapu ꞌicën. Ainan ꞌixun camina axa cuëëncësa oquinshi ꞌaisa tanin. An ca nëtë ióñubi uni ꞌati sináncëxa. Ax ca cëmë ꞌaish axa ꞌiásabi cëmëia. Cëmëi ca an sináncësa oquinshi sinani banaia. Ainra ca cëmë́ntapun ꞌixun unían uni itsi cëmëquin paránun ꞌimia.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.

Apocalipsis 22:15

Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.