Proverbios 3:9 - Kashibo-Kakataibo Biblia

⁹ Nukën ꞌIbu Dios kamina ami ꞌarakakë min ñukama ꞌinánti nankë a ꞌinánan kamina, min naënu ꞌapákëxa tsinasati tuákë aribimi bixun ꞌinántimi nankë a ꞌinánti ꞌain;

Proverbios 3:9 ပူးပေါင်းရင်းမြစ်များ

Génesis 28:22

ꞌËn kana uinu karana ënë maxax nankë anubi Nukën ꞌIbu Dios anuxun rabiti ꞌati ꞌain; ꞌimainun kana mi asérabi manukima uisa ñukama kaina ꞌë ꞌinani a mësú mi ꞌinánti ꞌain.

Éxodo 34:26

Mitsun ñu ꞌapákë ax pain bimikë aín bimi upíirabu bitankëxun kamina anuxun ꞌë rabiti xubusokin ꞌakë anu uanti ꞌain. ꞌAnan kamina cabranën tuá aín bënë rëtankëxun aín titan xuma bixun anun ꞌarutima ꞌain.

Isaías 43:23

ꞌË kamina ꞌaímai këñutanun ovejakama xaroxuama ꞌain, ꞌianan kamina ꞌë rabikin ñuina xaroma ꞌain. ꞌËn kana mi atsaniabi ubíokin ꞌëmi ñukama ꞌinainshinun káma ꞌain, ꞌianan kana kuëëniamabi ubíokin tsëpasa ñu sanuira xaromiama ꞌain.

Levítico 19:25

ꞌimainun kamina mapai achúshi bari ꞌikëbëtan bixun mitsun ñu ꞌapákë aín bimi piti ꞌain. Usokin ꞌakëbë ka mitsun ñu ꞌapákë aín bimi ꞌaisamaira ꞌinun bimiti ꞌikën. ꞌËx kana mitsun ꞌIbu Dios a ꞌain.

Mateo 25:17

Usaribi oquin ca an ꞌitsatani, rabë́ mil curíqui bicë uni an bëtsi rabë́ mil curíquiribi biaxa.

1 Corintios 16:2

Domingo nëtëcaman camina mitsu achúshi achúshinën mitsúnmi bicë curíqui uiti caramina ꞌinánuxun nanti ꞌai quixun upí oquin sinántancëxun min xubunuxun nanti ꞌain. ꞌËx bëbacëbëtan ꞌatima cupí camina usaquin ꞌati ꞌain.