Proverbios 3:5 - Kashibo-Kakataibo Biblia

⁵ An ñu ꞌunánkë unix ka ësai kiakëxa: Min nuitunënbi sinani kamina Nukën ꞌIbu mi katamëti ꞌain, usai ꞌi kamina rabiakati ꞌën kana bëtsi unin ꞌakësamaira okin ñu ꞌunan kiax kitima ꞌain.

Proverbios 3:5 ပူးပေါင်းရင်းမြစ်များ

Salmos 37:3

Nukën ꞌIbumi katamëkin kamina upí ñuishi ꞌati ꞌain, usai ꞌi kamina ënë menu tsóti Dios kuëënkësabi oi ꞌiti ꞌain.

Salmos 37:5

Min tsóti Nukën ꞌIbun bërúanxunun kamina ami katamëti ꞌain; usaími ꞌia ka an mi ꞌakinti ꞌikën.

Salmos 37:7

An ꞌakinun kiax bënë́kinma kamina Nukën ꞌIbun mi munu; ꞌakimainun kaínti ꞌain. Usai ꞌikin kamina an ñu ꞌatima ꞌakë unikaman, ꞌakësokin ñu ꞌatima ꞌati sinántima ꞌain, atun ka ñu ꞌatima ꞌatishi sinania.

Proverbios 23:4

Ñuñu ꞌiti sinani kamina ꞌitsaira ñu mëi tëmëratima ꞌain; usai ꞌikinma kamina ꞌitsairami sinánkë a ënti ꞌain.

Proverbios 3:7

Min sinanën kamina ꞌëx kana ñu ꞌunainra ꞌai kiax kitima ꞌain; usai ꞌikima kamina Diosmishi katamëkin ñu ꞌatima ꞌatimi sinánkë a manuti ꞌain:

Jeremías 9:23

Ësai ka Nukën ꞌIbu kiaxa: Uixi ka rabiakati an ñu ꞌunairakë anun ꞌëx kana ñu ꞌunánkë ꞌai kiax rabiakatima ꞌikën, ꞌimainun ka kushiira uni axi ꞌëx kana kushiira ꞌai kiax rabiakatima ꞌikën, uix kara ñuñuira ꞌikë axi ka ꞌëx kana ñuñuira ꞌai kiax anun rabiakatima ꞌikën.

Números 9:20

Kuin axa xubusa okin ꞌakë anuax ꞌitsama nëtë́ishi ꞌinun Diosan ꞌimitankëxua anuax kuanun ꞌimikëbë ka Israel unikama a nuibiani kuankëxa, kuaníbi ka kuin axa Diosan nirakënun ꞌimikëbë atúxribi nirakëakëxa.

Números 9:22

Kuin axa xubusa okin chupa ꞌakë anu nirakëti ꞌitsama nëtë ꞌianan, achúshi ꞌuxë ꞌikatsi ꞌianan achúshi baritia ꞌikatsi nirakëtankëx kuankëbë ka Israel unikama atux pain rëkuë́nkianima anu pain ꞌi bërúakëxa. ꞌAínbi ka kuin axa kuankëbë kuni atúxribi a nuibiani kuankëxa.

Romanos 12:16

Camina bëtsibë bëtsibë nishananíma nuibananishi upiti banati ꞌain. Usai ꞌi camina cërúananima, axa uni itsibëtan sënë́nmara unibë upí ꞌaish abë upiti banati ꞌain. Rabíquin camina —ꞌën cana uni itsin ꞌacësamaira oquin ñu ꞌunanin —quixun sinántima ꞌain.

Efesios 1:12

Nun nu an sinánmicëxun upí oquin ñu ꞌaia isquian uni raírinënribi a rabinun ca nux pain Cristomi catamëcë ꞌaíshnu ax cuëëncësabi oi ꞌinun nu caísacëxa.