Proverbios 3:14 - Kashibo-Kakataibo Biblia

¹⁴ usa ꞌain ka usakian ꞌakë ax manë kuríki bikësamaira ꞌiti ꞌikën, an ñu ꞌunánkë an kuri marukin anun kanánkësamaira ꞌiti ꞌikën.

Proverbios 3:14 ပူးပေါင်းရင်းမြစ်များ

Salmos 119:111

Min banakama ꞌën ꞌunánkë ax ka këñutima ꞌikën, a bana kaman ka chuáma tani kuëënun ꞌë ꞌimia.

Proverbios 8:19

ꞌËn ꞌinánkë ax ka kuri charokëxa upíira ꞌikë iskësamaira ꞌikën; ꞌimainun ka ꞌën ꞌinántisa tankë ax manë uxua upisamaira ꞌikën.

Mateo 16:26

Unix ca ënë nëtënuax ꞌitsaira ñuñu ꞌiti ꞌicën, ꞌaíshbi ca Nucën Papa Diosmi sináncëma ꞌaish abë upíma ꞌianan aín nëtënu abë ꞌitima ꞌicën. Usa ꞌain ca axa bamacëbë aín ñucama ax ñancábia bicë ꞌicën. ¿Nucën Papa Diosbë bamatimoi tsónuxun cara unin añu ñun cupíoti ꞌic? Anun cupíoti ñu ca ꞌaíma ꞌicën.

Apocalipsis 3:18

Mitsúxmi usai ꞌinúnma cana mitsu ꞌësëquin ësaquin cain: Curi manë ax ca ꞌitsísirocëx aín chuacama nëtëtia. Nëtë́cëbë ca aín upíshi bërutia. Usaribi oquin asérabi mitsun nuitu upí ꞌinun ꞌën mitsu ꞌiminun camina ꞌë ñucáti ꞌain. Mitsun ꞌatima ñu ꞌacëcama tërë́ncë ꞌianan ꞌëmi sinánquin ñu upí ꞌacë ꞌaish chupa uxua pañucësa ꞌinun ꞌën mitsu ꞌiminun camina ꞌë ñucáti ꞌain. Mitsun uisa ñu ꞌati cara ꞌatima ꞌicë, uisa ñu ꞌati cara upí ꞌicë quixun upí oquin ꞌunáncëma ꞌaish bëxuñu unisa ꞌixunbi, acama mitsu ꞌunánminun camina ꞌë ñucáti ꞌain.