Proverbios 3:11 - Kashibo-Kakataibo Biblia

¹¹ Uni bënákama min kamina, Diosan usai ꞌiama ꞌinun kakëxun kuaisama tantima ꞌain ꞌimainun kamina an mi usai kamina ꞌitima ꞌai kixun kakëx a kuëënima nishtima ꞌain;

Proverbios 3:11 ပူးပေါင်းရင်းမြစ်များ

Job 4:5

¿usa ꞌaínbi kaina bërí ꞌinsiax tëmërai nuibakatia ꞌën ꞌakësabi okin kana, ꞌati ꞌai kixun kushiokin sinanima usai ꞌin?

Job 5:17

Usa ꞌain ka chuámarua ꞌiti ꞌikë ui uni kara Diosan ꞌunánmisatankin ꞌatima ñu inúnun ꞌimia ax; usai ꞌikinbi ka Dios kushiira ꞌixuan usai ꞌiti ꞌimikëxunbi ami ꞌatimakin sinánkinma abi tënëkë uni ax ꞌiti ꞌikën.

1 Corintios 11:32

Usa ꞌaínbi ca asérabi ami sinánquinmabi usoquin a ñu ꞌaia, Nucën Papa Diosan nu ꞌuchoquin, axa ami sináncëma unicamabënu nuxribi ꞌuchocë ꞌitin rabanan, usoquin ꞌatëcëníma ꞌinuxun ꞌunánun, uisai caranuna ꞌi usaínu ꞌinun nu castícania.

2 Corintios 4:1

Ësoquin cana mitsu cain, ꞌuchañuira ꞌicëbi nuibaquin sinanamixun ca Nucën Papa Diosan aín bana uni ñuixunun nu ꞌimiaxa. Usa ꞌain cananuna masá nuituquin ënquinma aín bana uni ñuixunin.

Deuteronomio 8:5

Mitsun kamina ꞌunánti ꞌain Diosan ka mitsu ꞌunámikin unían aín bëchikë ñu ꞌatima ꞌaia ꞌunámikin ꞌakësa usaribi okin mitsu ꞌunánmisa tanxa.

Hebreos 12:3

Tëmëraquin —axa ami sináncëma unicaman ca ꞌëx Jesucristonan ꞌicë cupí ꞌë bëtsi bëtsi oia —quixun sinánquin ami catamëti ëntin rabanan camina —usaribi oquian ami nishquin unin ꞌacëxunbi ca Jesucristonën tanshiacëxa —quixun sinánti ꞌain. Usaquin sinani camina ami catamëtia unin bëtsi bëtsi ocëxun oquin a ënti sinanima ami cushiti ꞌain.

Apocalipsis 3:19

Uicama carana nuibatin, acama cana ñu ꞌatima ꞌatëcënxunma ꞌanun ꞌësëanan uisoquin carana ꞌati ꞌai usoquin ꞌain. Usoquin ꞌën ꞌacëxmashi camina sinanati ꞌëx cuëëncësabi oi asérabi ꞌiti ꞌain.