Proverbios 27:4 - Kashibo-Kakataibo Biblia

⁴ Xuamati uni ꞌakatsi nishkë, ꞌimainun ñu ꞌakatsi nishkë an ka uni ꞌatimanun ꞌimia, ꞌaínbi ka bëtsin ñu ꞌakëbë nutsikë ax nëtë́tima ꞌikën, ꞌimainun ka sinanima kishikë ꞌikën.

Proverbios 27:4 ပူးပေါင်းရင်းမြစ်များ

Génesis 26:14

ꞌImainun ka ꞌitsaira ovejañu ꞌianan, vaca ꞌimainun an ñu mëëxunkë uniñuribi ꞌiakëxa, usa ꞌain ka ax ñuñuira ꞌain, anu ꞌikë filisteo unikama nutsi ami nishkin ꞌatima okëxa.

Génesis 37:11

Usa ꞌain ka aín xukë́n apankama ꞌaisamairai ami xuamati nishakëxa, usai atux ꞌia iskin ka aín papan aín nuitu mëushi ënë ñukama manukima sinánkëxa.

Génesis 38:9

ꞌAínbi ka Onánën tuá bakënkëkama ax ka ꞌën bëchikëma ꞌiti ꞌikë kixun ꞌunánkëxa. Usakin sinánkin ka aín xukënan kasunankë xanu a tuati kuëënkima ꞌain nami ꞌakin ꞌain nëtokë ñu ëmainshi ꞌapákëxa, usai ꞌikin ka aín xukë́n ñukë axa a kupín aín rëbúnkiñu ꞌiti kuëanma ꞌikën.

Job 5:2

An ꞌunántisa ꞌikëbi ñu ꞌunánkëma uni ax ka Diosmi ꞌatimati sinánkë kupí ñuia, ꞌimainun ka bëtsi unin paránkin kakëxunbia an usama ka kixun kakinma asábi ka kixun kakë axribi bamaia.

Proverbios 27:3

Maxákama ꞌimainun masikama ax ka ꞌëñë ꞌikën, ꞌaínbi ka usamaira ꞌunántisa ꞌikëbia ñu ꞌunánkëma unikama atun nishkë ax ꞌikën.

Hechos 17:5

Usa ꞌaínbi ca judíos unicama, an Jesús sináncëma, ax ami nutsi Silas ꞌimainun Pablomi nishquin uni ꞌatima chiquíshcama timëtancëxun a ëmanu ꞌicë unicama tsuáquirumiacëxa. Tsuáquirumi, Jasón cacë uni aín xubunu banaruquin barii ca, camabi unían isnun ëma nëbë́tsi buánti ca Pablocëñun Silas chiquínti ꞌicë quiax quicancëxa.

Hechos 5:17

ꞌAisamaira uni Jesúsmi sinania isi ca judíos sacerdotenën cushicaman ꞌapu ꞌimainun abë ꞌicë saduceo unicama nishacëxa.

Hechos 7:9

Jacobnën bëchicë achúshi ca José cacë ꞌiacëxa. ꞌIcëbi ca ami nutsi nishquin aín xucë́antun Egipto menu buántanun uni maruacëxa.

Romanos 1:29

Usa ꞌixun ca uisa ñucamax cara ꞌatima ꞌicë acama ꞌaia, bëtsi uni ꞌatimonan, ainanmabi uni itsin ñu biisa tanan, aín xanuma ꞌaínbi xanubë ꞌianan, xanúxmabi bëtsi unibë ꞌianan, bëtsi uni ꞌicësamaira oi ñuñu ꞌiisa tania. ꞌIanan ca uni ꞌaisa tanan, bëtsibë cuëbicanánan, uni itsi paránan, uni itsimi ꞌatimati banaia. Usa ꞌaish ca a unicamax ꞌaisamairai banai uni itsimi manania.

1 Juan 3:12

Ñunshin ꞌatimanën ꞌapunan ꞌixun ca Cainan aín xucë́nbi ꞌacëxa. Usaribi cananuna ꞌitima ꞌain. ¿Uisa cupí cara Cainan aín xucën ꞌacëx? Aín xucënan ꞌacë ñu upí ꞌimainuan an ꞌacë ñu upíma ꞌain ca Cainan aín xucën ꞌacëxa.

1 Samuel 18:9

Usaia kikë anuaxëshi ka Saúl David istisama tani ami nishakëxa.