Proverbios 23:30 - Kashibo-Kakataibo Biblia

³⁰ Ax ka uínsaranbi an bëxnan xëakin ënkëma unikama ꞌianan, an barixun anun paë́nti bërí ꞌakë bëxnan bëtsi uni xëakinkë unikama ax ka usai ꞌia.

Proverbios 23:30 ပူးပေါင်းရင်းမြစ်များ

Génesis 9:21

Achúshi nëtë ꞌikëbë ka Noé uvas baka kachokin ꞌakë a xëatankëx paëankëxa, usai ꞌiax ka sinanima aín chupa pëtankëx xubusa okían ꞌakë chupa këxtú a nëbëtsi ꞌukëmëu ꞌuxax rakakëxa.

Proverbios 20:1

A xëati paëokin uvas baka ꞌakë an ka xëakëxun uni sinanimaishi bananun ꞌimia; usa ꞌixun ka a xëati paëokin ꞌakë a xëakinxun bëtsi unikamabë banakin sharákinia; usai ꞌika; uisai kara banati ꞌikë kixun sinanimaishi banaia.

Proverbios 23:20

An ñu paë xëax paë́nkë unikama ꞌimainun, pikën tankëma ꞌixuan ꞌitsaira pikë unikama atubë kamina timë́tima ꞌain,

Isaías 28:7

ꞌImainun ka raíri unikamaxribi uvas baka vino ꞌakë xëatankëx amá aman kuani nitsia, ꞌimainun ka sacerdote unikama ꞌianan an Dios kikë bana ñuikë unikama atúxribi paë bata kushi a xëatankëx amá aman kuani nitsi kushiñumasa ꞌaish sinanima ꞌatimati banaia; ꞌianan ka namákësokian Diosan ismikëxbi amá aman kuani nikësai ꞌia, ꞌianan ka paën irakë ꞌixun uisakin kara bana mëníoti ꞌikë kixunbi ꞌunanima.

Amós 6:6

ꞌanan kamina uvas baka ꞌakë ami xëati chaiira ami xëakanin, ꞌianan kamina sanuira rokama anúnribi ꞌikanin, ¡usai ꞌikin kamina uisai kara ënë ëma ꞌiti ꞌikë kixun abi sinánkaniman!

Efesios 5:18

Mitsux camina paë́ntima ꞌain. Paë́ncë uni ax ca uisai cara banatisa tania usai bananan, añu cara ꞌaisa tania a ꞌaia. Usai ꞌima camina Nucën Papa Diosan Bëru Ñunshin Upitan mitsubë ꞌixun anbi upí oquin cushiocë ꞌaish upiti bananan upí ñuishi ꞌati ꞌain.