Proverbios 23:26 - Kashibo-Kakataibo Biblia

²⁶ Mix ꞌën bakë bëchikë ꞌixun kamina, ꞌën mi kakë banakama kikësokin kana ꞌati ꞌai kixun ꞌë kati ꞌain, usa ꞌain kamina ꞌën mi ꞌunánmikë banakama axa min ꞌunánkë ꞌinun ꞌimiti ꞌain;

Proverbios 23:26 ပူးပေါင်းရင်းမြစ်များ

Salmos 1:2

usai ꞌikin ka Diosan bana kikësa okinshi ꞌakin, a manukinma nëtën ꞌananbi imë́ribi a bana ënkinma ꞌati sinania.

Salmos 107:43

Uix kara sinánñu ꞌikë an kuni ka ënë bana kikësokin ꞌati ꞌikën, ꞌakin ka Diosan ka kamabi uni nuibatia kixun unánti ꞌikën.

Oseas 14:9

An ñu ꞌunánkë unikama ꞌimainun sinánñu unikama, akaman ka ënë bana kuati ꞌikën: Kamabi ñu Diosan ꞌá ax ka upíokin ꞌá ꞌikën, usa ꞌain ka an ñu ꞌupíshi akë unikaman ax kikësabiokin ꞌaia; usa ꞌaínbi ka ꞌatima sinánñu unikama usakin ñu ꞌaiama Diosan ꞌatima oia.

Lucas 14:26

—Uix cara ꞌën uni ꞌiisa tania an ca aín papa, aín tita, aín xanu, aín bëchicë, aín xucën, aín chirabacë, acama nuibacësamaira oi ꞌëmi sinánti ꞌicën. Usai ꞌianan ca ax upiti tsótishi sinanima ꞌëmi sinani ꞌëx cuëëncësabi oishi ꞌiti ꞌicën. Ui unix cara usai ꞌiisama tania ax ca ꞌën uni ꞌitima ꞌicën.

2 Corintios 8:5

Nun sináncësamaira oquin ꞌaquin ca Nucën ꞌIbu Jesús pain —nux minan ꞌixun cananuna mix cuëëncësabi oquin ꞌati ꞌai —quixun catancëxun Nucën Papa Diosan sinánmicësabi oquin nun bana cuanan nun nu Jerusalénu buánun atun curíqui nu ꞌinánxa.

Efesios 3:17

ꞌImainun cana Cristomi catamëtia an mitsubë ꞌixun an cushiocë ꞌaish, uisai cara ꞌíbi bëtsibë bëtsibë nuibananquinmi,

Deuteronomio 6:5

Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.

2 Pedro 1:19

Usai banaia cuaquin cananuna ꞌunáncën, an Nucën Papa Dios quicë bana uni ñuixuncë unin cuënëo bana quiásabi oi ca Jesucristo ꞌiaxa quixun. Mitsúnmi upí oquin a bana sinánti ca asábi ꞌicën. Lamparinën bëánquibucënuxun pëcacëbëtan cananuna xubunu ꞌicë ñu upí oquin isquinmabi isin. Usaquin isquinbi cananuna barían pëcacëbëtainra upí oquin isin. Usaribi oquin camina a unicaman bëráma cuënëo bana ꞌunánquinbi asérabi mitsun nuitunubi Cristo ꞌicëbëtainra, uisai cara a bana quia quixun upí oquin ꞌunánti ꞌain.