Proverbios 22:6 - Kashibo-Kakataibo Biblia

⁶ Min bakë bëchikë kamina xuratsu ꞌikëishi uisai kara tsóti ꞌikë kixun ꞌunánmiti ꞌain, usokin ꞌunánmikëxun ka kaniakëkinbi sinánkin min ꞌunánmia bana a manutima ꞌikën.

Proverbios 22:6 ပူးပေါင်းရင်းမြစ်များ

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

Efesios 6:4

Bëchicëñu unicama, mitsuribi cana cain, min bëchicë camina nishmitima ꞌain. Min bana parë́quinma min cacësabi oquin ꞌanun camina canioti ꞌain. Usoquin canioquin camina a ñuixunquin Nucën ꞌIbu Jesucristo cuëëncësabi oquian ꞌanun ꞌunánmiti ꞌain.

Deuteronomio 4:9

Usa ꞌain kamina mitsu ꞌakinkia Diosan ꞌaia iskë ñukama, uinsaranbi manukinma abi sinánkin; mitsun bakë bëchikë ꞌimainun mitsun babakamaribi ñuixunti ꞌain.

Deuteronomio 6:7

ꞌimainun kamina mitsun bakë bëchikëkama ënkinma ꞌunamiti ꞌain; a kamina uinu kara min xubu ꞌikë anuxun ꞌanan uinu kaina kuani anuxunbi ñuixuanan uinu kaina uxi anuxun ꞌanan anumi ꞌuxonkë anuax pëkarakuatsinkëbë nirunuxun ñuixunti ꞌain.

2 Timoteo 3:15

Chamará ꞌixunbi ꞌá ꞌixun camina Nucën Papa Diosan bana ꞌunanin. A banacama ꞌunánquin camina uisai caramina ꞌiti ꞌai quixun ꞌunánan, uisari caramina Jesucristomi catamëti Nucën Papa Diosnan ꞌinux ië́ti ꞌai quixun ꞌunánti ꞌain.

Jueces 13:12

Ësokin kakëxun ka Manoanën kakëxa: Minmi nu kakë usaibi ꞌikëbëtan, ¿karana uisokin a tuá kanioti ꞌain? ¿uisa karanuna a tuá oti ꞌain?

1 Samuel 1:28

Usa ꞌixun kana ꞌën Nukën ꞌIbu Diosan ñu mëëti ꞌanun ꞌimian, usa ꞌain ka ainan ꞌiti ꞌikën. Ësakin kakëx ka Elí ꞌain bëmánanën me tikai tsóbukin Dios rabiakëxa.

1 Samuel 2:26

Usa ꞌain ka Samuel bërunani kanikin upíokin ñu ꞌaia Nukën ꞌIbun ismainun unikamanribi upí tuá ꞌixuan upíokin ñu ꞌaia ꞌunánkëxa.