Proverbios 22:4 - Kashibo-Kakataibo Biblia

⁴ Upasara ꞌixun ax kikësabiokin Diosan bana ꞌakë, ax ka ñuñuira ꞌi kuëëni upiti tsókë usamaira ꞌikën.

Proverbios 22:4 ပူးပေါင်းရင်းမြစ်များ

Proverbios 22:3

Uni an sinánkin ñu ꞌakë an ka ꞌaisa ꞌikëbi a ꞌaxi ꞌaisama ꞌiisa iskin ñu ꞌaima; ꞌaínbi ka sinánñuma uni ax kuainxunshi ñu ꞌakë anunbi tëmëraia.

Proverbios 22:5

An ñu ꞌatimashi ꞌati sinánkë unikama aín tsóti ax ka anu ñu pakëti unin unëkin ꞌakë usarabi ꞌikën; ꞌaínbi ka axa bërúankati nikë uni ax añu ꞌati kuëënima.

Proverbios 3:16

Usa ꞌain ka uni ñu ꞌunánkë ain mëkeu anun xënibua ꞌaínbi tsókësa ꞌikën, mëmiuribi mëshpakësa ꞌi kuëënkë ax ꞌiti ꞌikën.

Proverbios 31:30

Upíira ñu isími kuëënkë ax ka këmëishi ꞌikën, usa ꞌain ka ñu upíira ax ñankáishi ꞌikën, usa ꞌaínbi ka an Dios rabikë xanu ax kuni usa ka ax ꞌikë kixun rabikë ꞌiti ꞌikën.

Isaías 33:6

usa ꞌixun ka uisai kara xënibua ꞌaínbi an bërúankëx aín unikama bukuti ꞌikë kixun ꞌunánmiti ꞌikën. Ñu ꞌunánkë ꞌianan upiokinra ñu ꞌunánkëira an ka ñu achúshi kupíkësaira ꞌixun uni ië́mia; usa ꞌain ka Nukën ꞌIbumi rakuë́ti ax ñuñuira ꞌikë usamaira ꞌikën.

Daniel 4:36

Ësai banai sënënishi kana a nëtënbi ꞌën ꞌatimakin sinánkë a mëniokatëkëni pëxkúti amiribishi upíokin sinánkën. Usai ꞌia ka ꞌëx ꞌapu ꞌaia aín kushikama ꞌixun an bana mëníokë unikama ꞌimainun an uni bana ñuixunkin ꞌësëkë akama ꞌënu utëkëankëxa, uxun ka amiribishi ënë menubi ꞌapu ꞌinun ꞌë ꞌimiakëxa, ꞌimikëx kana bëráma ꞌiásamaira ꞌinun ꞌapu ꞌitëkëni chaiira ꞌapu ꞌianan kushiira ꞌapu ꞌiakën, usai ꞌi mënin sinánñushi ꞌia ka usa ka a ꞌapu ꞌikë kixun unin ꞌunánkë ꞌiakën.

Mateo 6:33

Usa ꞌain camina ainan ꞌianan ax cuëëncësabi oquin pain ꞌati ꞌain. Usaquin ꞌacëbëtan ca an anúnmi mitsux upitax bucuti ñucama aribi mitsu ꞌinánti ꞌicën.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

Santiago 4:10

—ꞌËx cana an iscëx ꞌaisamaira ꞌuchañu ꞌai —quixun sinánquinmi cacëxun ca Nucën ꞌIbu Jesucristonën mitsun ꞌuchacama tërë́nquin upíira ꞌaíshmi cuëënun mitsu ꞌimiti ꞌicën.

Santiago 4:6

An nu sinánmicë ñuishi nun ꞌanun ca Nucën Papa Diosan nu ꞌaquintancëxun nuibaquin nua ꞌaquincë usamaira oquin ꞌaquintëcënia. Usa ꞌain ca aín bana ësai quia: “Nucën Papa Diosan ca axa rabícë unicama a timanan axa —ꞌëx cana usa ꞌai —quiax rabícëma unicama nuibaquin ꞌaquinia”.