Proverbios 20:7 - Kashibo-Kakataibo Biblia

⁷ ¡Diosan ka chuámarua ꞌinun unin bakë bëchikëkama ꞌain papan ñu ꞌunámikin, kanioxun ënkë a unikama aín papa tsóasaribi ꞌinun tsónun ꞌimia!

Proverbios 20:7 ပူးပေါင်းရင်းမြစ်များ

Génesis 17:7

ꞌËn kana achúshi ñu mibëtan ꞌain ꞌimainun kana min rëbúnki kamabëtanribi ꞌanuxun ꞌain, usa ꞌain kana ꞌëx min Dios xënibua ꞌaínbi ꞌiti ꞌain, ꞌianan kana atun Diosribi ꞌinuxun ꞌain.

Job 1:1

Anu ka achúshi uni Job kakin anëkë ꞌiakëxa, ax ka Us kakë me anu tsóakëxa, usa ꞌixun ka uisa ñu ꞌatimabi ꞌati sinánkëma ꞌianan, Dios kuëënkësabi okinshi aín nuitu upí ꞌixun ñu ꞌakin bëtsi uni ꞌatima oti sinánkëma ꞌiakëxa.

Salmos 15:2

Anu ka ꞌiti ꞌikë an upí ñuishi ꞌakë ꞌimainun an upíokinshi ꞌakin ënkinma abi ñu upíshi ꞌakë uni; ax kuni ka ꞌain bana kikësokinshi ꞌai upí ꞌiti ꞌikën;

Salmos 37:26

Usa ꞌixun ka kamabi nëtën nuibakin bëtsi aín ñu na ꞌinántëkënun ꞌinania; usakin ꞌakëbë ka aín bakë bëchikëkama ax upíokin sinánxunkë ꞌia.

Isaías 33:15

An upí ñuishi ꞌai asérabi këmëima banakë uni ꞌianan, an bëtsi uni aín ñu kuëëniamabi bikuantankëx anun ñuñukëma ꞌianan, bëtsi ꞌatima oxunun kixun bëtsin ꞌinainshikë kuríki bikëma a ꞌianan, an bëtsi uni usakin kananuna uni rëtëti ꞌai kixun kakëxunbi kuëënxunkëma ꞌianan, an uisaxunbi usakin kana ñu ꞌatima ꞌati ꞌai kixun sinánkëma uni,

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Hechos 2:39

Ënë banacamax ca mitsu ꞌimainun mitsun bëchicëcama ꞌimainun bëtsi unicamanribi cuati oquin Nucën Papa Diosan mënío ꞌicën. Amia sinánmisa tancë unicamanribi cuati oquin ca usoquin mëníocëxa.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.