Proverbios 20:6 - Kashibo-Kakataibo Biblia

⁶ Anu ka ꞌitsaira uni axa ꞌën kana mi uisabi otima ꞌai kiax banakë uni ꞌikën, ꞌaínbi ka uinu ꞌikë unínbi asérabi ami ꞌunánmaisa uni mëraima.

Proverbios 20:6 ပူးပေါင်းရင်းမြစ်များ

Proverbios 20:5

Bëtsin ꞌunánnuma ꞌaisa tankin sinánkë ñukama ax ka ꞌumpax nëminsaribi ꞌikën, usanu ꞌikëbi ka uix kara sinánñuira ꞌikë an bëríbi ꞌunania.

Proverbios 27:2

Mibi rabiakatima kamina bëtsi unikaman kunia uisa uni kaina ꞌai istankëxun mi rabinun ꞌiti ꞌain; usa ꞌain ka mibi rabiakati ax upíma ꞌikën.

Mateo 6:2

Usa ꞌain camina ñuñuma uni ñu ꞌinánquin an uni paráncë unicaman ꞌacësaribi oquin ꞌatima ꞌain. Unin atu rabiti cuëënquin ca anu judíos unicama timë́ti xubunuxun ñu ꞌinánan bainuxunribi camabi unin isnun ñuñuma uni ñu ꞌinania. Usoquian ꞌinania isquin ca an a iscë unicaman a rabiquin, ax ca upí uni ꞌicë quixun caia. Unicaman usa uni rabiabi ca Nucën Papa Diosan a upí isima.

Lucas 18:11

Cuanx, nitsax abë banaquin ca fariseo unin ësaquin Nucën Papa Dios caxa: Nucën Papa Dios, ꞌëx uni raírisama ꞌixun cana mi, asábi ca cain. Raírinëx ca an uni paránquin aín curíqui bicë uni ꞌimainun upí sinánñuma uni ꞌimainun aín xanuma ꞌaínbia uni itsin xanubë ꞌicë uni, usa ꞌicën. Usa unicama ꞌaisama ꞌaínbi cana ꞌëx usai ꞌima. An ꞌapu buánmiti curíqui bicë, ënë uníxribia ꞌaisama ꞌaínbi cana ꞌëx usai ꞌiman.

Lucas 18:28

Usaquian atu cacëxun ca Pedronën Jesús cacëxa: —Nun xubucama ꞌimainun nun ñu camabi cananuna mibë ninuxun ëan.

Lucas 18:8

ꞌËn cana mitsu cain, ca asérabi bënë́nquinshi acama ꞌaquinti ꞌicën. ¿Usa ꞌaínbi carana uni ꞌinux Nucën Papa Diosnuax uá ꞌaish anu cuantancëx, ꞌëx utëcënquin, unicama asérabi ꞌëmi sinani ꞌëmi catamëtia isti ꞌain? Uisai cara ꞌiti ꞌicë quixun cana isti ꞌain.

Lucas 22:33

Cacëxun ca Simón Pedronën cacëxa: —Mi ꞌacësaribi oquin sipuanan unin ꞌanúnbi cana mi ëniman.

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

2 Corintios 12:11

Mitsúnmi ꞌë rabicëma cupí cana sinánñuma uni banacësari rabiacan. Mitsúxira ꞌë rabi upiti banatisa ꞌixunbi camina —Pablosamaira ꞌaish ca an Pablo ñuicë unicama ënëx Nucën Papa Diosan uni ꞌicë —quixun sinánan ꞌën bana isa ñancáishi ꞌicë quixun sinánquin a unicaman mitsu ñuixuncë bana cuacanin. Usaquinmi mitsun sináncëbëbi cana ꞌëx a unicama meuma ꞌain, ꞌënbi ꞌaquinma, Nucën Papa Diosan aín cushin ꞌamicëxuinshi ꞌën ꞌacë cupí.