Proverbios 20:3 - Kashibo-Kakataibo Biblia

³ Ui unin kara ꞌupiokin sinani bëtsibë mëëananti sinanima a unix ka usa ka kixun unin rabikë ꞌikën, ꞌaínbi ka ñu ꞌunánkëma uni ax kuni usai ꞌia.

Proverbios 20:3 ပူးပေါင်းရင်းမြစ်များ

Génesis 13:7

an Abramnën vacakama bërúankë unikamabë Lotnën vaca an bërúankë unikama nishanani ubionankëxa. Usa ꞌain ka a nëtëkaman, cananeo ꞌimainun ferezeo unikamax pain anu tsókë ꞌiakëxa.

Génesis 13:8

Usa ꞌain ka Abramnën achúshi nëtën aín xukë́nan bëchikë Lot ësokin kakëxa: Mix kamina ꞌën ꞌaintsi ꞌibu ꞌain, usa ꞌain kananuna nu rabë́ upiti nuibananti ꞌain, usaribiti ka an nun ñuina bërúankë unikama nishananima nuibananti ꞌikën.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Santiago 3:14

Usa ꞌaínbi camina mitsux unimi nishcë ꞌianan uni itsimi sinánanima nutsi mixëshi ñuñu ꞌiti cuëëncë ꞌixun, rabiacáquin —ꞌëx cana ñu ꞌunáncë ꞌai —quixun sinántima ꞌain. Usaquin sináncë ꞌaish ca min bana cëmëcë ꞌicën.

Santiago 4:1

¿Uisa cupí caramina mitsúxbi nishananan ñu cananin? Mitsúnbi bëtsi bëtsi ñu ꞌatimaquin sinani camina usai ꞌicanin.