Proverbios 20:1 - Kashibo-Kakataibo Biblia

¹ A xëati paëokin uvas baka ꞌakë an ka xëakëxun uni sinanimaishi bananun ꞌimia; usa ꞌixun ka a xëati paëokin ꞌakë a xëakinxun bëtsi unikamabë banakin sharákinia; usai ꞌika; uisai kara banati ꞌikë kixun sinanimaishi banaia.

Proverbios 20:1 ပူးပေါင်းရင်းမြစ်များ

2 Samuel 11:13

Bërúkë ꞌain ka Davidnën abëtan pianan xëakin paëónkëxa. Usokin abëtan xëanëti ka Urías an ꞌapun xubu bërúankë suntárukamanu ꞌuxtëkëni kuankëxa, ꞌaínbi ka aín xubunu kuanima anubi bërútëkëankëxa.

Proverbios 23:20

An ñu paë xëax paë́nkë unikama ꞌimainun, pikën tankëma ꞌixuan ꞌitsaira pikë unikama atubë kamina timë́tima ꞌain,

Isaías 28:7

ꞌImainun ka raíri unikamaxribi uvas baka vino ꞌakë xëatankëx amá aman kuani nitsia, ꞌimainun ka sacerdote unikama ꞌianan an Dios kikë bana ñuikë unikama atúxribi paë bata kushi a xëatankëx amá aman kuani nitsi kushiñumasa ꞌaish sinanima ꞌatimati banaia; ꞌianan ka namákësokian Diosan ismikëxbi amá aman kuani nikësai ꞌia, ꞌianan ka paën irakë ꞌixun uisakin kara bana mëníoti ꞌikë kixunbi ꞌunanima.

Oseas 4:11

Ësaribiti ka Dios kiakëxa: Bëtsi bëtsi unin aín nami ꞌakë xanubë nikin, uvas baka paëokin ꞌakë xëai paëini nikin ka upíokin ñu ꞌati a ëanxa.

Habacuc 2:5

An uvas baka xëakë unikaman ka bëtsi ꞌatimoia, usokëxun ka bëtsínribi a kupikin usakinribi ꞌaia, usakin ꞌai ka ꞌëx kana usaira ꞌai kiax anun rabitia, usakin ꞌakin ka tantikima, atuinra bëtsi ꞌatima okin ꞌatankëx kushin rabitia, usai ka an ꞌanuma bëtsi uni ꞌatankëx kia. Usa ꞌaish ka anu uni bamaia maínti me naëkë usaribi ꞌinun atun kuëbi bakai banakania, usakin ka an ñu ꞌatimashi ꞌakë unikaman bëtsi menu ꞌikë unikama ꞌatankëxun ꞌain ëma ꞌibuaia. Usakin ꞌai ka anua uni maínkë me naëkësa ꞌaish an ñu ꞌatimashi ꞌakë unikama tantima.

1 Corintios 6:10

ꞌimainun an ñu mëcamacë uni ꞌimainun an bëtsi unin ñu cuëëncë uni, ꞌimainun axa ñuianancë uni ꞌimainun paë́ncë uni ꞌimainun an uni paránxun aín ñu bicë uni, acamax ca Nucën Papa Diosan nëtënu ꞌitima ꞌicën.

Gálatas 5:21

ꞌImainunribi ca ꞌaia, bëtsi unin ñu cuëënti, uni ꞌati, paë́nti, picë́ntapun ꞌiti, acama. Usa ñucama ca unin aín cuëëncësa oquin ñu ꞌaquin ꞌaia. Usa ꞌain cana ën mitsu cacësaribi oquin mitsu catëcënin, usa ñua an ꞌacë unicamax ca aín unima ꞌaish Nucën Papa Diosan nëtënu abë ꞌitima ꞌicën.

Efesios 5:18

Mitsux camina paë́ntima ꞌain. Paë́ncë uni ax ca uisai cara banatisa tania usai bananan, añu cara ꞌaisa tania a ꞌaia. Usai ꞌima camina Nucën Papa Diosan Bëru Ñunshin Upitan mitsubë ꞌixun anbi upí oquin cushiocë ꞌaish upiti bananan upí ñuishi ꞌati ꞌain.