Proverbios 15:8 - Kashibo-Kakataibo Biblia

⁸ Nukën ꞌIbu Diosan ka uni ꞌatima sinánñukaman ñu ꞌaxunkëxunbi a upí isima, ꞌaínbi ka uni upí sinánñukama an ñukákëxun kuni kuatia.

Proverbios 15:8 ပူးပေါင်းရင်းမြစ်များ

2 Samuel 15:12

Usakin ꞌakin ka Absalónnën, an David usakin kamina ñu ꞌati ꞌai kixun kakë uni achúshi Ahitófel axa Guiló kakë ëmanu tsókë aribi abë kuani unun kixun kamikin ka an ñuina xaroia isa ꞌakini kuanun kixun kamiakëxa. Usakin ꞌakin ka an sinánkësa okin anuxun Israel unikama atubë kushinuxun timëakëxa.

1 Reyes 3:10

Ësokian abë banakin ꞌakinun kixun ñukákëx kuëënkin ka Diosan Salomón,

Proverbios 15:7

Sinánñu unikama an ka bëtsi unikama an ꞌunánkë ñukama ñuixunia; ꞌaínbi ka an ꞌunántisa ꞌikëbi ñu ꞌunánkëma unikama an ñu ꞌunánma ꞌixun bëtsi unikama ꞌunánmima.

Isaías 61:8

Usa ꞌain ka Nukën ꞌIbun upí ñuishi ꞌati kuëënia, ꞌianan ka mëkamanan an usai ꞌiti bana nankë a tankinma ꞌatima ñuira ꞌakin bëtsin uni ꞌakë a kuëënima. Usa ꞌixun ka ax kikësabiokin ënkinma ꞌakinkin an biti ñu upí ꞌinánti ꞌikën, ꞌianan ka ax kiásabiokin achúshi ñu këñutima okin atubëtan ꞌati ꞌikën.

Jeremías 6:20

¿Uisoti kaina mitsun Sabá menu ꞌikë sanuira ñu a ꞌimainun ro ua sanuira ꞌura ꞌikë me kamanua ꞌikë a ꞌë bëxun kanin? ꞌËx kana kuëënima ꞌaímai këñutanun xarokë a ꞌianan, bëtsi ñukamaribi bëxun xarokëxbi ka ꞌën iskëx upíma ꞌikën:

Daniel 9:23

Minmi abë banakin kakëxumaishi ka Diosan min bana kuaxa. Usa ꞌain kana ꞌëx uisai kara ax min ñukákëx kiaxa mi kai ain, Diosan ka ꞌitsaira mi kuëënia. Usa ꞌain kamina bërí bëmë́kin uisakin namákë kara min namákësokin iskë a mi ñuixumainun kuati ꞌain:

Miqueas 6:6

¿Uisa ñu uani kuanxun karanuna, Nukën ꞌIbu Dios manámi ꞌikë a rabiti ꞌain? ¿ꞌIanan karana vaca bakë achúshi baritiañukama ꞌaímai këñutanu xaroxunti ꞌain?

Miqueas 6:7

¿ꞌËn mil carnero ꞌinánanbi, xëxá ꞌumpax iskësaira xëniribi ꞌinánkëx kara Nukën ꞌIbu kuëënti ꞌit? ¿ꞌIanan karana ꞌën ꞌatima ñu ꞌai ꞌuchakë kupín ꞌë a tërënxunun ꞌën bakë bëchikë apan ꞌinánuxun ñukati ꞌain?

Malaquías 1:10

“¡Uisati kara mitsu achúshinën anuxun Dios rabiti xubu xëpútikama xëpútima ꞌikën, anuxunma ꞌë ñuina xaroxunti anu ñankabi tsi bimitëkënkania usa ꞌain! ꞌËn kana mitsu nuibakëmapan ꞌain, ꞌianan kana mitsun ꞌë ꞌinaishikë ñukama abi bitëkëntima ꞌain:

Juan 4:24

Nucën Papa Dios, ax ca unima ꞌaish nami, imi, xo, acamañuma ꞌicën, a ca unin isima. Usa ꞌain ca an Nucën Papa Dios rabicë unin asérabi ami sinani ax cuëëncësabi oi ꞌiti cuëënquin a rabiti ꞌicën.