Proverbios 15:6 - Kashibo-Kakataibo Biblia

⁶ Upí sinánñu uni aín xubunu ka añu ñubi ꞌaimama ꞌima aín piti ꞌitsaira ꞌia, ꞌaínbi ka ꞌatima sinánñu uni ax aín kanankë anun ñuñu ꞌima.

Proverbios 15:6 ပူးပေါင်းရင်းမြစ်များ

Salmos 37:16

Uni upí sinánñu axa chukúmashi ñuñu ꞌikëxbi ka, uni ꞌatimakamaxa ñuñu ꞌikë usamaira ꞌikën.

Proverbios 15:5

An ñu ꞌunántisa ꞌikëbi unántisama tankë an ka aín papan ꞌësëkin kakëxunbi bana kuatima; ꞌaínbi ka uix kara sinánñu ꞌikë an kuni ꞌësëkëxun bana kuatia.

Proverbios 15:7

Sinánñu unikama an ka bëtsi unikama an ꞌunánkë ñukama ñuixunia; ꞌaínbi ka an ꞌunántisa ꞌikëbi ñu ꞌunánkëma unikama an ñu ꞌunánma ꞌixun bëtsi unikama ꞌunánmima.

Proverbios 8:21

Usa ꞌixun kana an ꞌë nuibakë akamaribi ainan ꞌiti ñu ꞌinánti ꞌain; usokin ꞌakëx ka aín xubukamanu ꞌitsaira ñu upíñu ꞌiti ꞌikën.

Hebreos 11:26

Cuëënquin ca sináncëxa, Egiptonu ꞌicë unicamax ñuñu ꞌaish cuëëncësamaira oi cana ꞌëx Nucën Papa Diosmi sináncë ꞌaish tëmëraibi cuëënti ꞌain. Cristonan ꞌicëa unin ꞌatimocëx tëmëraibi aín unicama cuëëncësaribi oi ca Moisés tëmëraibi Nucën Papa Diosan unicamabë ꞌi cuëëancëxa. Ax ca —Nucën Papa Diosan ca ax quicësabi oquin nu ainan ꞌaish aín nëtënu abë ꞌinun ꞌimia —quixun ꞌunani ami catamëti cuëëancëxa.