Proverbios 13:8 - Kashibo-Kakataibo Biblia

⁸ Ñuñuira uni a ka bëtsi unin aín ñu kupí ñatankë ꞌiti ꞌikën, ꞌaínbi ka ñuñuira ꞌixun aín kuríkinën kupíox chikiti ꞌikën; usa ꞌaínbi ka ñuñuma unikama atun uínsaranbi a ꞌakatsi uni kikë bana kuatima.

Proverbios 13:8 ပူးပေါင်းရင်းမြစ်များ

2 Reyes 24:14

Usakin pain ꞌatankëxun ka kamabi Jerusalén ëmanu tsókë unikama ꞌimainun, kamabi atun ꞌapukama ꞌimainun atun suntáru ꞌakánanti ꞌunáinrabu a ꞌimainun, kamabi ñu unioti unainrabu ꞌimainun an manë charóxun unioti ꞌunánkë a kamabia timëkëx ka diez mil uni sënë́nmikin ñatankë ꞌiakëxa. Usakin ka kamabi uni ñu ꞌunánbuira a buánan ñuñuira akamaribi buánkin uni ñuñuma kamaishi anubi ꞌinun ëbiankëxa.

2 Reyes 25:12

Usakin uanan ka uni ñuñumairakama ashi, naëoxun uvas ꞌapáxun mënioi ꞌinun ënkankëxa.

Job 2:4

Kixun kakëxunbi ka ñunshin ꞌatimanën Dios kakëxa: —Uínbia aín naminu ꞌatimokin paëokëma ꞌaish ka uni asábi nitsia. ꞌAínbi ka unix upí tsótisa tani uisa ñu kara inutia abi inutibi tënëax ꞌiti ꞌikën.

Proverbios 13:7

Anu ka bëtsi bëtsi uni ñuñuma ꞌaishi ñuñu ꞌisatankë ꞌikën, ꞌimainun ka bëtsi bëtsi uni ñuñuira ꞌaishi ñuñuma unisa ꞌikën.

Proverbios 13:9

Upí sinánñu unikama ax ka tirítan pëkakësa ꞌaish kuëënti ꞌikën; ꞌaínbi ka ꞌatima sinanñu unikama ax tirí bënákënu ꞌikësa usaribi atun tsóti ꞌikën.

Mateo 16:26

Unix ca ënë nëtënuax ꞌitsaira ñuñu ꞌiti ꞌicën, ꞌaíshbi ca Nucën Papa Diosmi sináncëma ꞌaish abë upíma ꞌianan aín nëtënu abë ꞌitima ꞌicën. Usa ꞌain ca axa bamacëbë aín ñucama ax ñancábia bicë ꞌicën. ¿Nucën Papa Diosbë bamatimoi tsónuxun cara unin añu ñun cupíoti ꞌic? Anun cupíoti ñu ca ꞌaíma ꞌicën.

Lucas 12:23

Mitsun pitisamaira camina mitsux ꞌain, mitsun chupasamaira camina mitsux ꞌain. An mitsúxmi ënë nëtënu tsóti oquin unio Nucën Papa Dios ainshi ca ami piti ñu mitsu ꞌinánan ami pañuti chuparibi mitsu ꞌinánti ꞌicën.