Proverbios 13:7 - Kashibo-Kakataibo Biblia

⁷ Anu ka bëtsi bëtsi uni ñuñuma ꞌaishi ñuñu ꞌisatankë ꞌikën, ꞌimainun ka bëtsi bëtsi uni ñuñuira ꞌaishi ñuñuma unisa ꞌikën.

Proverbios 13:7 ပူးပေါင်းရင်းမြစ်များ

Proverbios 13:11

ꞌItsaira ñu mëëi tëmërakinma bikë ñu ax ka basikëma ꞌaínshi këñutia; usa ꞌaínbi ka unin ñu mëëxun bikë ax kuni munu bixun bixun nankë ax ꞌaisamaira ꞌinun chanun ꞌimia.

Proverbios 13:8

Ñuñuira uni a ka bëtsi unin aín ñu kupí ñatankë ꞌiti ꞌikën, ꞌaínbi ka ñuñuira ꞌixun aín kuríkinën kupíox chikiti ꞌikën; usa ꞌaínbi ka ñuñuma unikama atun uínsaranbi a ꞌakatsi uni kikë bana kuatima.

Lucas 12:20

Usaquian sinania ca Nucën Papa Diosan caxa: Sinánñuma uni camina mix ꞌain. Ënë ñantánbi camina bamain. ¿Bamacëbë cara minmi bucúncë ñucama uinan ꞌiti ꞌic? Ca minanma ꞌiti ꞌicën.

Lucas 12:21

Caxun ca Jesusan cacëxa: —Usaribiti ca, Nucën Papa Dios cuëëncësabi oquin ꞌati sinánquinma axbi ñuñu ꞌiti sináncë uni ax ꞌiti ꞌicën.

Lucas 12:33

Mitsun ñu maruquin curíqui bixun camina ñuñuma uni ꞌinánti ꞌain. Ënë nëtënuaxa ꞌicësai ca Nucën Papa Diosan nëtë naínu ꞌicë ñucamax ꞌatimati cëñutíma, an ñu mëcamacë uni ca ꞌaíma ꞌicën, ꞌimainun ca an cëñuti nacuáxbi anu ꞌaíma ꞌicën. Usa ꞌain camina mitsux ñuñushi ꞌiti sinánquinma ax cuëëncësabi oquin ꞌati ꞌain. Usaquin ꞌatancëxmi aín nëtënu abë ꞌicë ca an mitsúnmi a cuëënminuxun ꞌacëcama cupíoquin chuámarua aíshmi xënibua ꞌaínbi cuëënun mitsu ꞌimiti ꞌicën.

1 Corintios 4:8

Mitsun camina ësaquin sinanin, —nun cananuna upí oquin Nucën Papa Diosan Bëru Ñunshin Upitan ꞌunánmicëxun camabi ñu ꞌunanin —quixun. Usa ꞌaish camina nun bëtsi ñu mitsu ꞌunánmiti cuëëniman. Mitsun sinani camina mitsúxbi ꞌapusa ꞌain, Jesucristo utëcëncëma ꞌaínbi. Mitsúxmi ꞌapu ꞌain cananuna nuxribi cuëëni ꞌapu ꞌitsían.

2 Corintios 4:7

Nun cushínbi ꞌatsínxunmabi cananuna an ꞌamicëxuinshi ax cuëëncësabi oquin ꞌati ꞌai quixuan unicaman ꞌunánun ca Jesucristo cupí Nucën Papa Diosan nux abë upí ꞌixúnu aín cushínbi ñu ꞌanun nu ꞌimia.

2 Corintios 6:10

Masá nuitucë ꞌaíshbi cananuna chuámaruaishi ꞌain. Ñuñuma ꞌixunbinu Cristo ñuiquin bana ñuixuncëx ca an a bana cuacë unicamax uni ñuñu ꞌicësamaira oi chuámarua tani cuëënia. Ñuñuma ꞌicëbi ca Cristonën nubë ꞌixun ax cuëëncësabi oínu anun ꞌinun nu ñu ꞌinania.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.

2 Pedro 2:19

Usoquin ꞌaquin ca caia, uisari caramina ꞌiisa tani usai camina ꞌiti ꞌain. Usaími ꞌiabi ca Nucën Papa Diosan mi uisabi oima. Usai quicë ꞌixunbi ca atun ñu upí ꞌaisa tanquinbi ꞌatima ꞌicën, atun sinan upíma ꞌixun. Aín sinan upí ꞌixun ca unin aín ꞌacësabi oquin upí ñu ꞌaia. Usa ꞌaínbi ca aín sinan ꞌaisama ꞌixun unin usabi ꞌatima ñu ꞌaia.

Apocalipsis 2:9

Mitsúnmi ñu ꞌacëcama cana ꞌunanin. ꞌËn cana ꞌunanin, mitsux ꞌëmi catamëcë cupí camina tëmëranan ñuñuma unisa ꞌain. Ñuñuma ꞌaíshbi camina ꞌën nëtënu ꞌëbë ꞌaish ñuñu unicamax ꞌicësamaira oi anu ꞌicë ñuñu ꞌaish cuëëinra cuëënti ꞌain. Ësaquin cana ꞌunanin, bëtsi bëtsi uni, —nux cananuna judíos uni ꞌai —quibi judíosma ꞌaish, ñunshin ꞌatimanën ꞌapu, Satanásnën unishi ꞌixun ca ꞌatimati banaquin mitsu ñuia.

Apocalipsis 3:17

Mitsux camina quin, ꞌëx cana asábi ꞌain, ñuñu ꞌaish cana cha ꞌain, uisa ñu carana cuëëni, a cana bitsin. Mitsux ënë nëtënu ꞌicë ñuñu ꞌaíshbi camina Nucën Papa Diosan iscëx ñuumasa ꞌianan bëxuñusa ꞌianan chupañumasa ꞌain.