Proverbios 13:12 - Kashibo-Kakataibo Biblia

¹² A ꞌati sinánxun ꞌakë ñu ax ꞌikëbëma ka uni masánuitutia, ꞌaínbi ka usakin ꞌati sinánxun ꞌakë ñu ax ꞌikëbë kuni uni kuëënia.

Proverbios 13:12 ပူးပေါင်းရင်းမြစ်များ

Génesis 46:30

Usai ꞌitankëxun ka Jacobnën aín bëchikë José kakëxa: —ꞌËnbi kana mi ñukësa ꞌaíshmi nëtë́a ꞌikëbi mi mërain, usa ꞌain ka ꞌëx mi istánkëx ñuti asábi ꞌikën.

Nehemías 2:2

ka ꞌapun ꞌë ñukákëxa: —ꞌËn iskëx kamina ꞌitsaira masá nuituti nitë́xëkësa ꞌain. ¿Uisai kaina ꞌian? ꞌËn iskëx kamina ꞌinsínkëmabi ꞌain, bëtsi ñu ꞌinúkë ꞌixun sapi kamina a sinanin. Usakian ꞌë ñukákë anun kana ꞌitsaira rakuëan,

Salmos 69:3

ꞌItsaira banai kana tëëxan; usa ꞌain kana ꞌën tëru paëia tanin; ¡usai ꞌianan kana uni kara bain aia kixun kainkësa okin ꞌën Dios kainin!

Proverbios 13:11

ꞌItsaira ñu mëëi tëmërakinma bikë ñu ax ka basikëma ꞌaínshi këñutia; usa ꞌaínbi ka unin ñu mëëxun bikë ax kuni munu bixun bixun nankë ax ꞌaisamaira ꞌinun chanun ꞌimia.

Proverbios 13:13

Uin kara kakëxunbi bana kuakinbi ñu ꞌaisama tania ax ka usakin ꞌaxuma anuma kana ꞌia kiax masánuituti insa tani kiti ꞌikën; usa ꞌaínbi ka an kakëxun bana kuakë ax kuni ꞌupitax tsóti kuëënti ꞌikën.

Proverbios 13:19

Nun ꞌaisatankë ñu a ꞌatankëx kananuna upí tani kuëënin. ꞌAínbi ka an kakëxunbi bana kuaisama tankë unikama an sinanakin ñu ꞌatima ꞌakë a ënti kuëënima.

Proverbios 3:18

Uix kara ñu ꞌunairakë ꞌikë ax ka i bimiñu unin upí iskë usaribi ꞌixun ꞌatima ñu ꞌaisa tankinbi tënëia; ax ka chuámarua tani usokin ñu ꞌakëma ꞌaish tsóti ꞌikën. ¡Ax ka chuámarua usakin ñu ꞌakë ꞌaish tsotia!

Juan 16:22

Usaribiti camina mitsux bërí masá nuitutin, ꞌaíshbi camina ꞌë istëcëni cuëënquin chuámashirua tanti ꞌain, uinu ꞌicë unínbi sinanamitisama oi.

Apocalipsis 2:7

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, a cana Nucën Papa Diosan nëtënu ꞌicë i, aín bimi a cüax bamatima, a cunun ꞌinánti ꞌain.

Apocalipsis 22:2

A bacax ca a ëmanu ꞌicë bai cha anúnbi xobucë ꞌiaxa. A bacax ca ꞌunpax ꞌaíshbi Nucën Papa Diosan cushi anúan uni bamatimoi tsóti, a ꞌiaxa. A baca aín cuëbí rabë́ amo anu ca i achúshi ꞌiaxa. Camabi baritian ca a in mëcën rabë́ ꞌimainun rabë́ oquin tuaxa, ꞌuxë camabi. A bimix i bimisa ꞌaíshbi ca ax anúan uni bamatimoi tsóti, a ꞌiaxa. A i pëchix ca camabi menuax ucë uníxa anun ꞌinsíntëcëntimoi bucuti a ꞌiaxa.