Proverbios 13:10 - Kashibo-Kakataibo Biblia

¹⁰ Axa rabiakakë uni an ka bëtsi unibë mëëanantishi kuëënia; usa ꞌaínbi ka sinan mëninñushi uni an ꞌësëkin kakëxun bana kuatia.

Proverbios 13:10 ပူးပေါင်းရင်းမြစ်များ

1 Reyes 12:16

Usa ꞌain ka axa a isi kuankë Israelnën ꞌapukama atun kakëxun kuaisama tankë a sinánkin ësokin atun kakankëxa: “¡Nukaman kananuna Davidtan aintsi nun ꞌapu ꞌiti kuëënima! ¡ꞌImainun ka Jesénën bëchikë Davidtan añu ñubi nu ꞌaxunkëma ꞌikën!” ¡Nun xubunubi kananuna kuantëkënti ꞌain kiax ka israel unikama kanankëxa! ¡Usa ain ka David ain aintsikaman ꞌapubi ꞌiti ꞌikë kiax ka kikankëxa! Ësokin kabiani ka Israel unikama aín xubunubi rikiankankëxa.

Proverbios 13:11

ꞌItsaira ñu mëëi tëmërakinma bikë ñu ax ka basikëma ꞌaínshi këñutia; usa ꞌaínbi ka unin ñu mëëxun bikë ax kuni munu bixun bixun nankë ax ꞌaisamaira ꞌinun chanun ꞌimia.

Proverbios 13:9

Upí sinánñu unikama ax ka tirítan pëkakësa ꞌaish kuëënti ꞌikën; ꞌaínbi ka ꞌatima sinanñu unikama ax tirí bënákënu ꞌikësa usaribi atun tsóti ꞌikën.

Lucas 22:24

Uix cara bëtsibëtan sënë́nma ꞌiti ꞌicë quiax ca Jesusan ꞌunánmicë unicama cuëbicanancëxa.

1 Timoteo 6:4

a unin ca rabiacaquinbi añu ñubi ꞌunáncëma ꞌicën. Usa unin ca abë cuëbicanantishi cuëënquin —usama ca, ësaira ca bana ꞌicë —quixun raíri unicama cuëbicananquinia. Usai ꞌi ca a unicamax nutsianan, nishánanan, ñuianani ꞌatimati banaia. Usa ꞌixun ca uinu ꞌicë unínbi ca asérabi bana ñuima quixun sinania.

Santiago 4:1

¿Uisa cupí caramina mitsúxbi nishananan ñu cananin? Mitsúnbi bëtsi bëtsi ñu ꞌatimaquin sinani camina usai ꞌicanin.