Proverbios 1:8 - Kashibo-Kakataibo Biblia

⁸ ꞌËn nuibakë bëná unikaman min papan ꞌësëkëxun kamina aín bana kuati ꞌain, kuanan kamina min titan ꞌunámikin kakë bana a kamaribi manutima ꞌain,

Proverbios 1:8 ပူးပေါင်းရင်းမြစ်များ

Proverbios 1:10

Usa ꞌain kamina uni ꞌuchañukaman parántisa tankëxunbi, ¡atu kuëënxuntima ꞌain, ꞌën nuibakë bëná unikama!

Proverbios 1:15

¡Usakin kakëxbi kamina atubë kuantima ꞌain bëná unikama mitsux! Usai ꞌikin kamina atúan ñu ꞌaisama ꞌakinkaskëxunbi atubëtan ꞌatima ꞌain,

Proverbios 23:22

An mi bëchia min papan, kakëxun kamina aín bana ꞌupiokin kuati ꞌain; min tita kamina kaniakëtia, kuëënkima istisama tantima ꞌain.

Proverbios 7:1

ꞌËn kakëxun kamina ꞌën banakama kuati ꞌain, bëná unikaman, ꞌën bakë bëchikësa ꞌikë kana mi kain; ꞌën mi kakë ax kikësaibi ꞌiti banakama ënë kamina manukinma sinánti ꞌain.

Levítico 19:3

Mitsun kamina min papa bana kuanan min titan banaribi kuati ꞌain. ꞌImainun kamina anun ñu mëëtima nëtë ꞌikëbë anun tantiti ꞌain. ꞌËx kana mitsun Dios ꞌain.

Mateo 9:2

Bëbacëbëa ꞌitsa uni timë́cëbëtan ca raírinën uni achúshi ñucë nirucuaínquinbi tancëma bacë́tinu racánxun bëacëxa. Bëquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Chuámashi ca ꞌit. Min ꞌuchacama ca tërë́ncë ꞌicën.

Mateo 9:22

Ticaia tani niracëti cuainacëquin ca Jesusan a xanu mëraquin cacëxa: —Camina chuámarua ꞌiti ꞌain. ꞌËn cana mi pëxcuti ꞌai quixun asérabi sinani camina pëxcúan. Cacëxëshi ca pëxcúacëxa.

2 Timoteo 1:5

ꞌImainun cana mixmi asérabi Jesucristomi sinania ꞌën mi iscë a manuiman. Min chichi, Loida, ꞌimainun min tita, Eunice, axa ꞌicësaribiti camina mix asérabi Jesucristomi sináncë ꞌai quixun cana ꞌunanin.

Rut 3:6

Kakëx ka Rut aín ñen kakësabi oi ꞌikiani Booznën naënu kuankëxa.

1 Samuel 2:25

Achúshi uníxa bëtsi unimi ꞌatimati banakë a ka Nukën ꞌIbun mëníoti ꞌikën; ꞌaínbi ka achúshi uníxa Nukën ꞌIbu ñui banakë a ¿kara uin mëníoxunti ꞌik? Kixun kakëxunbi ka aín papan bana atun kuaisama tankëxa, usai ka Nukën ꞌIbunbi usai ꞌia atu këñumiti sinánkë ꞌain ꞌiakëxa.