Proverbios 1:6 - Kashibo-Kakataibo Biblia

⁶ uisai kara ñu ꞌunairakë unikama ax bëtsi ñuikësai kia anbi kuanan, bëtsi ñu ñui banakë ꞌimainun a ꞌunánti banakama kikë abi uisai ki kara a banakama kia abi kuatia.

Proverbios 1:6 ပူးပေါင်းရင်းမြစ်များ

Números 12:8

ꞌimainun kana abë banai an unánkë unibë bësúnax banakësai banain, ꞌimainun kana kuaisabi ꞌitánun abë banakin ꞌënbi kain. ¿Usa ꞌaínbi karamina mitsux a ñui ꞌatimai banain?”

Marcos 4:11

Cacëxun ca Jesusan cacëxa: —Uni itsían ꞌunaniamabi camina mitsun Nucën Papa Diosan sinánmicëxun an ꞌunánmicë ñu ꞌunanin. Usa ꞌaínbi cana uni raíri ꞌëmi sinántisama tancë cupí bana itsi ñuicësoquin bana ñuixunin.

Marcos 4:34

Bëtsi banánma ca usoquinshi Jesusan unicama ñuixuancëxa, ꞌixunbi ca aín ꞌunánmicë unicama abëa ꞌicë uisai quicë cara a banacama ꞌicë quixun ꞌunánmiacëxa.

Hebreos 5:14

An Nucën Papa Diosan bana upí oquin sinánquin an cacësabi oquin ꞌacë uni, an ca upí oquin ꞌunania, uisa ñu ꞌati cara Nucën Papa Diosan iscëx asábi ꞌicë, uisa ñu ꞌati cara ꞌaisama ꞌicë quixun. ꞌUnánquin ca usoquin ꞌaia. Usa unix ca tuá xuratsusama ꞌaish uni apánsa ꞌicën.

2 Pedro 3:16

A mitsu buánmicë quiricacamanu ca Pablonënribi ꞌën cacësa ësaribi oquin mitsu caxa. A bana raírinëx ca unían upí oquin cuaisama ꞌicën. Usa ꞌain ca an Nucën Papa Diosan bana upí oquin ꞌunáncëma uni ꞌimainun axa upiti ami catamëcëma unin, uisai quicë cara a bana ꞌicë quixun upí oquin sinánquinma bëtsi oquin sinania. Pablonëan cuënëocë quiricaishima, bëtsi banaribi upí oquin sináncëma ꞌixun bëtsi oquin sinani ca upiti Jesucristomi catamëti ꞌunanima.