Proverbios 1:20 - Kashibo-Kakataibo Biblia

²⁰ An ñu ꞌunánkë unikama ax ka anun xubunu kuanti ëman anuax kianan anun ëmanu kuanti bai cha ꞌakë anun kuani ꞌësai nukaman kuanun kiti ꞌikën;

Proverbios 1:20 ပူးပေါင်းရင်းမြစ်များ

Proverbios 1:21

kianan ka ꞌapukaman bana mëníokë ëma xëkuëkama ꞌimainun anuxua ñu marukankë anuaxi kianan ëma sënënakëkë anuxunbia kuakanun kiti ꞌikën:

Jeremías 19:2

Usokin ꞌabiani kamina Ben-hinom kakë me sapan anu kuanti ꞌain, anua Chumu sani pukë kakë Xëputi ꞌikë a bëtánain kuantankëx, anu bëbatankëxun kamina ꞌën mi kakë banakama atu ñuixunti ꞌain.

Mateo 13:54

Bëbatancëxun ca anua judíos unicama timë́ti xubunu atsínxun bana ñuixunquin ꞌunánmiacëxa. Usoquian bana ñuia cuati ca anu ꞌicë unicamax ratuti canancëxa: —¿Uin cara ënë uni usaquian bana ñuiti ꞌunánmiax? ¿Uin cushin cara ënë menuxuan unin ꞌacëma ñu ꞌain?

Lucas 11:49

Nucën Papa Dios an camabi ñu ꞌunáncë ꞌaish ca usaía ꞌicëma pan ꞌain, ësai quiacëxa: “ꞌËn unicama raíri ꞌën bana ꞌunánquian a uni ñuixunun ꞌimianan raíriribi ꞌën bana unicama ꞌunánminun ꞌimiabi ca unin raíri ꞌanan raíri bëtsi bëtsi oti ꞌicën”.

Juan 7:37

Anúan judíos unicama Nucën Papa Dios rabinux Jerusalénu timë́cë nëtëcama sënë́nuxa pëcaracë nëtë ax ca a nëtëcamasamaira ꞌiacëxa. A nëtën ca nirui munuma banaquin Jesusan ësaquin unicama cacëxa: —Ui unix cara uníxa shiman bamai ꞌunpax ꞌaisa tani bënë́cësaribi oi ꞌënan ꞌiisa tani bënëtia a unix ca ꞌë cai ꞌëmi catamëti ꞌicën.

1 Corintios 1:24

A unicama usai ꞌimainunbi ca uicama cara Nucën Papa Diosan Cristomi catamënun sinánmicë ꞌicë acama, judíos unicama ꞌimainun griego banan banacë judíosma unicamanribi, —Cristo cupíshi ca Nucën Papa Diosan upí oquin sinánquin nun ꞌuchacama tërë́nquin ainan ꞌinun nu ië́mia —quixun ꞌunania.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

Colosenses 2:3

An camabi ñu ꞌunáncë ꞌixun ca ainan cupíshi Cristonën aín unicama ꞌunánmia.