Oseas 6:5 - Kashibo-Kakataibo Biblia

⁵ Usa ꞌain kana ꞌën kakëxua an Dios kikë bana ñuikë unikaman mitsu ꞌatimonun ꞌamia, ꞌën bana an bana ñuikë unikama ñuikë a bananbia këñunun ꞌimian. Usa ꞌain ka ꞌën ꞌupiokin ꞌakë ñukama ax kuni upí ꞌaish tirísaribi ꞌikën.

Oseas 6:5 ပူးပေါင်းရင်းမြစ်များ

Génesis 18:25

¡Min usokin uni ꞌuchañuma këñun uni ꞌuchañukama, ꞌakin kamina a rabëtaxbi ꞌuchakësa ꞌikë ꞌati ꞌain! ¡Usakin ꞌaxuma ka at! Mix kamina ꞌapu ꞌaish kamabi kushiñu ꞌain kamabi menu, ¿usa ꞌixunmi usakin ñu ꞌakë ax kara minan asabi ꞌiti ꞌit?

1 Reyes 17:1

Aín bana unikama ñuixunua Diosan kaískë Elías, Tisbé kakë ëma Galaad, menua ꞌikë anu tsókë an ka ësokin Ahab kakëxa: “¡Diosan kuamainunbi kana ami sinánun mi kain, Israel unibunën Dios an kakësabiokin aín bana tankin ꞌën ñu ꞌaxunkë ax ka ꞌëx kikëbë ꞌibunux ka ënë barikaman ꞌuí ꞌibutíma ꞌimainun imë́bi nibí ꞌibutima ꞌikën!”

1 Reyes 18:17

Banakin ka Ahabnën Elías kakëxa: —¿Mix karamina an Israelkama ꞌaisama unin ꞌakësokin ñu ꞌamikin ꞌaisama okë a ꞌain?

1 Reyes 19:17

Usokin ꞌakë ꞌain ka uix kara Hazaelnën manë xëtokën ꞌakaskëxbi anuax abatia ka Jehúnën ꞌati ꞌikën, ꞌimainun ka ui unix kara Jehúnën aín manë xëtokën ꞌakaskëxbi anuax abatia a ka Eliseonën ꞌati ꞌikën.

Salmos 37:6

Usai ꞌikin mi ꞌaia kamabi unin min ꞌakë ñu iskë ax ka asérabi ꞌaish barin xamarukin pëkakë usaribi ꞌiti ꞌikën.

Isaías 11:4

An ka an ꞌakinti ꞌaíma ꞌaia tëmërakë unikama ꞌimainun uni ñuñumakama atun menu ꞌikë akama ꞌakinti ꞌikën. Usa ꞌain ka aín banax achúshi tatsi tuínxun anun bënë́kinshi ñu ꞌakë unikama tëmëramikë usaribi ꞌiti ꞌikën, ꞌimainun ka aín kuëbitan xunkakësa okinshi ꞌatima ñuishi ꞌakë unikama këñunun ꞌimiti ꞌikën.

Isaías 58:1

Nukën ꞌIbun ka ësokin ꞌë kaxa: “Rakuëtimaishi kamina munuma banai kiti ꞌain, usai ꞌi kamina manë banañu banokëx ꞌikësa min bana ꞌinun kushin banati ꞌain; usai ꞌikin kamina ꞌën kaísa unikama atun ꞌakë ꞌatima ñukama ñuikin kati ꞌain, ax ka Jacobnën rëbúnkikama ꞌikën atun ꞌuchakëkamaribi ñuikin kati ꞌain.

Jeremías 1:10

ꞌËn mi bërí ꞌunánmikë bana usakinbi kamina kati ꞌain. Bërí kana usakin ñukama ꞌakin anua ꞌapu ꞌikë ëmakama ꞌimainun bëtsi menu ꞌikë ëmakama, ñankáishi ꞌitánun masókin rurupakin, ꞌatima okin këñutankëxun mi, amiribishi birukin ꞌatëkënun mi kain.

Jeremías 1:18

ꞌËn kana mi bërí kushiira ꞌinun ꞌimikin, ëma upíokin kënëkin ꞌakë usa ꞌianan, manë tunan ami xubu buaruti nitsínkë usaribi ꞌinun ꞌimianan, anun ëma kënëarakë manë panshian iruira usaribi ꞌixunmi, Judá menu ꞌikë ꞌapukama ꞌimainun aín kushibu ꞌianan, sacerdotekama ꞌianan, kamabi unikama atusamaira ꞌixun minra kanun mi ꞌimiti ꞌain.

Jeremías 23:29

¡Nun karanuna basikëñun trigo abëtan sënën kara kixun tupúnti ꞌain! ꞌËx kikë bana ax ka tsi rëkirukësa ꞌimainun achúshi manë taxuñunën mapara tukapakësa usaribi ꞌikën. ꞌËx min ꞌIbu ꞌaish kana ësai kin.

Ezequiel 3:9

ꞌËn kana tsasitisama iruira ꞌimianan, maxá irusamaira mi ꞌimiti ꞌain. Usa ꞌain kamina atumi rakuë́tima, ꞌianan kamina atun bëmánan nishkëira okëbëbi atumi ratutima ꞌain, atux ka bana kuakëma unibu ꞌikën.”

Hechos 7:31

Usai ꞌia isi ratutia —uisa cara —quixun ñachaquin isnux a ꞌurama cuaniabi ca Nucën ꞌIbu Diosan ësaquin Moisés cacëxa:

Romanos 2:5

Usa ꞌaínbi camina min sinan ꞌaisama ꞌaish sinanaisama tan. Usai ꞌiquin camina ënquinma camabi nëtën ꞌatima ñuishi sinánquin usaquin ꞌain. A cupí camina anúan Nucën Papa Diosan ꞌuchañu unicama aín ꞌucha cupí castícanti, a nëtën ꞌaisamaira oquin castícancë ꞌinuxun ꞌain.

Efesios 6:17

Mitsun camina asérabi ꞌunánti ꞌain, Jesucristo cupí mitsun ꞌuchacama tërë́ncë ꞌaish camina Nucën Papa Diosan iscëx upí ꞌaish ainan ꞌai quixun. Usaquin ꞌunani camina suntáru manë mañutinën mapucësa ꞌiti ꞌain. Aín Bëru Ñunshin Upitan ꞌunánmicëxun Nucën Papa Diosan bana cuënëo upí oquin ꞌunani camina ñunshin ꞌatimami racuë́tima ꞌain. A banami catamëti camina suntárunëan aín manë xëtocë ami catamëquin tuíncësa ꞌiti ꞌain.

Hebreos 4:12

Cananuna ꞌunanin, Nucën Papa Dios ax ca bamatimoi tsotia. Ax ca cushiira ꞌicën. Usa ꞌixun ca aín bananu ꞌaia nu ꞌunánmia, nun caranuna asérabi upí oquin sinani, caranuna upí oquin sinanima quixun. ꞌUnánmianan ca uisa cupí caranuna usoquin ꞌai quixun nu ꞌunánmia.

Apocalipsis 1:16

Aín mëcën mëqueunën mëcën achúshi ꞌimainun rabë́ ꞌispa tuíanan aín cuëbínuax machítusa manë xëtocë, amo rabë́bi cuënucë ꞌaish, chiquitia cana isan. Isanan cana aín bëmánanëxa barin cushíinra pëcacësaribiti pëquia isan.

Apocalipsis 2:16

Usaquin ꞌaquinbi camina sinanaquin acama ënti ꞌain. Usaquinmi ëncëbëtanma cana xënibuiracëma ꞌaínshi mitsunu cuanquin, manë xëtocë ꞌën cuëbínuax chiquícë, anun usa unicama ꞌatimoti ꞌain.

Apocalipsis 9:15

A rabë́ ꞌimainun rabë́ ángelcama Eufrates baca rapasunuxuan nëacë, ax ca anúan camabi unicama rabë ꞌimainun achúshi oquin tëacësa ꞌaíshbi amo ꞌicë achúshi acama ꞌati nëtë utámainun nëacë ꞌiaxa. Usa ꞌain ca anuxun sanutanun tsëpasa ñu nëënti anuaxa banaia a cuaxun, manë banañu tuíncë ángel an nëacë ángelcama tubuxun ëanxa. Usaquin ca a baritia, a ꞌuxë, a nëtë, a horabi ca unia ꞌanun ëncë ꞌiti ꞌicë quixuan Nucën Papa Diosan mëníosabi oquin ꞌaxa.

Apocalipsis 9:21

Uni ꞌati, ꞌimainun ñu xëax ñubë́ ꞌiti, ꞌimainun aín xanuma ꞌaínbi xanu itsibë ꞌiti, ꞌimainun aín bënëma ꞌaínbi uni itsibë ꞌiti, ꞌimainun ñu mëcamati, acama sinanaquin ënquinma usabi oquin ꞌaxa.

1 Samuel 13:13

Kakëxunbi ka Samuelnën kakëxa: —¡Usakin mi ꞌakë ax ka ñunshin bakë́kin ꞌakë ꞌikën! ꞌËn kana mi kan, ꞌëx kana basikëbë pain Guilgalnu mibë timë́ti ꞌian, usa ꞌain kamina Nukën ꞌIbun ꞌë kakësokin ꞌanuxun kaínti ꞌian, usa ꞌain ka xënibua ꞌaínbi Diosan mi ꞌimainun min rëbúnkikama Israel kaman ꞌapu ꞌimitsianxa.

1 Samuel 15:22

Usokin kakëxunbi ka Samuelnën kakëxa: Nukën ꞌIbun ka kuëënia ax kikësokinshi ꞌaxúnti, usa ꞌain ka ñuina xaroxuntishi kuëënima; ax kikësabi okinshi ꞌati ax ka ñuina xaroxuanan carnero aín xëni xaroxunkë usamaira ꞌikën.

1 Samuel 15:32

Usokin ꞌatankëxun ka Samuelnën kakëxa: —ꞌË kamina Amalecita unikaman ꞌapu Agag bëxúnti ꞌain. Kakëxun bëkëx ka Agag aín bamatisa inúaxa kiax upitaxëshi kuantankëx Samuel bëmánanu nirakëakëxa, uisabi isa okanima a ꞌatimisa manukanxa kixun sinani.

1 Samuel 15:33

ꞌAínbi ka Samuelnën kakëxa: —Min kamina min manë xëtokën ꞌakin ꞌën aintsi xanun tuákama këñukin ꞌan. Usaribiti ka min titax tuáñuma bërúti ꞌikën. Ësokin kakinshi ka Samuelnën aín manë xëtokë bikinshi anun ꞌakëxa, Guigal kakë ëma anuxun Nukën ꞌIbun kakësabiokin ꞌaxun ka Agag aín nami chánkapakëxa.