Oseas 6:2 - Kashibo-Kakataibo Biblia

² An ka bënë́kinshi nun ñu ꞌatima ꞌakëkama mëníokin nukama upí ꞌimiti ꞌikën, usakin ꞌakin ka nukama an iskëx upí tsónun ꞌimiti ꞌikën.

Oseas 6:2 ပူးပေါင်းရင်းမြစ်များ

Génesis 17:18

Usakin sinánkin ka Nukën ꞌIbu Dios kakëxa: —¡Usa ꞌain sapi ka, Ismaelnën rëbúnkikama atux upitax tsóti ꞌikën!

Eclesiastés 3:3

Anu ka anun ñu ꞌati nëtëribi ꞌikën, ꞌimainun ka anun ñu ronti nëtëribi anu ꞌikën. Anu ka anun ñu ꞌatima oti nëtë ꞌikën, ꞌimainun ka anun ñu mëníoti nëtëribi anu ꞌikën.

Oseas 13:14

¿Usa ꞌaish kaina anu uni ñukë maínti kini anuax ië́kanti ꞌain? ¿Bamati anuax kaina ië́kë ꞌiti ꞌain? Bamati, ¡min kushibëbi uxun kamina ënë ëma këñuti ꞌain!”

Juan 14:19

ꞌItsama nëtë ꞌicëbëtan ca an Nucën Papa Diosan bana cuacëma unin ꞌë istëcëntima ꞌicën. Usa ꞌaínbi camina mitsun ꞌë istëcënuxun ꞌain. ꞌËx pain Nucën Papa Diosbë ꞌicë cupí camina usaribiti mitsúxribi abë ꞌinuxun ꞌain.

Romanos 14:8

Usa ꞌaish cananuna nux bamacëma pain ꞌaish Nucën ꞌIbu Jesucristo cuëëncësabi oi ꞌin. ꞌIanan cananuna nux anun bamati nëtë ucëbë ax cuëëncësabi oi abë ꞌinux bamati ꞌain. Nuxnu tsotax ꞌicësaribiti cananuna bamatancëxribi aín uni ꞌain.

1 Corintios 15:4

Bamacëa maíncancëxbi ca rabë́ nëtë ꞌiónxa pëcaracëbë baísquiacëxa. Usaía ꞌiti ñuiquin ca Nucën Papa Diosan ꞌamicëxun aín unin cuënëocëxa.