Oseas 6:1 - Kashibo-Kakataibo Biblia

¹ Kamaxi Diosmi sinanatëkënti kamina ukanti ꞌain. An ka ꞌatimo ꞌixunbi nux ñu ꞌatima ꞌai ꞌuchakëkama nu mëníoxunti ꞌikën; usokin ꞌatimo ꞌixunbi mëníotëkënkin ka chuámarua tanun nu ꞌimiti ꞌikën.

Oseas 6:1 ပူးပေါင်းရင်းမြစ်များ

Job 5:18

An mi ꞌinsinun ꞌimitankëxunbi ka amiribishi anbi mi pëxkutëkënti ꞌikën; ꞌimianan ka tëmëranun ꞌimitankëxunbi anbi mi kuëëmitëkënti ꞌikën.

Eclesiastés 3:3

Anu ka anun ñu ꞌati nëtëribi ꞌikën, ꞌimainun ka anun ñu ronti nëtëribi anu ꞌikën. Anu ka anun ñu ꞌatima oti nëtë ꞌikën, ꞌimainun ka anun ñu mëníoti nëtëribi anu ꞌikën.

Isaías 2:3

usa ꞌain ka bëtsi bëtsi menu ꞌikë ꞌitsaira uni anu bëbai, bëtsibë bëtsibë kánani kikanti ꞌikën: “Diosan bashi anuxun a rabiti xubu ꞌakë anu kananuna kuaruti ꞌain, anu ka Jacobnën rëbúnki Israel unikama Dios anuxun rabiti xubu ax ꞌikën, anuxun ka uisai karanuna tsóti ꞌai kixun an nu ꞌunánmiti ꞌikën, ꞌunánmikëx kananuna ax kuëënkësabi oi tsóti ꞌain.” Usa ꞌain ka Jerusalénnuxun Diosanbi ꞌain bana nukama ꞌunánmiti ꞌikën.

Isaías 55:7

Uni ꞌatimakama an ñu ꞌatima ꞌati sinánkin ꞌakë an ka ñu ꞌatima ꞌakë a ënti ꞌikën, ꞌimainun ka uni bana kuakëmakama atúnribi ꞌatimakian sinánkë akama ënti ꞌikën; ëni ami katamëtia ka Nukën ꞌIbun mitsu nuibati ꞌikën, ꞌimainun kamina Diosan nuibanankëira ꞌixun an mitsun ñu ꞌatima ꞌakëkama mëníoxunun ami sinánkin rabikanti ꞌain.’

Oseas 14:1

Israel unikama Nukën ꞌIbu Diosmi kamina sinanatëkënti ꞌain, mitsúxmi ꞌuchakë a kupí kamina ꞌaisama kan.

Oseas 14:4

Ësai ka Dios kia: ꞌËn kana Israel unikama ñunshinakëkia atun ꞌakë ñukama mëníoxunti ꞌain; usokin ꞌakin kana ꞌën nuibaisa ꞌikëmabi atu nuibati ꞌain, ꞌëx atumi nishtankëxunbi kana atu nuibatëkëan.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

1 Samuel 2:6

Usa ꞌain ka Diosan uni tsónun ꞌimianan bamanun ꞌimia; ꞌimianan ka anu uni mainkënu ꞌimixunbi, anuabi uni baískimi tëkënia.

1 Samuel 7:3

Usa ꞌain ka Samuelnën kamabi israel unikama kakëxa: “Mitsun asérabi mitsun nuitubëtanbi sinánkin a rabikin kamina bëtsi menu tsókë unikaman rabikë diosmi rabikankë a ënkin mitsun ꞌarakakë Astarté tankin ꞌakë a bixun nikanti ꞌain, usakin ꞌatankëxun kamina Nukën ꞌIbu rabikin ax kuëënkësabi okin ꞌakánti ꞌain. Usakin ꞌakëxun ka mitsu filisteo unikama ꞌatima oia chikínti ꞌikën.”