Oseas 5:8 - Kashibo-Kakataibo Biblia

⁸ ¡ꞌAkanankëbëtan a banokë ñuina manchan Guibeánuxun banoti ꞌain, ꞌanan kamina manë banoti aribi Ramá anuxun banoti ꞌain! ¡ꞌAnan kamina ñu ꞌikëbë banati nankë aribi Bet-avénnuxun banamiti ꞌain! ¡ꞌAnan kamina anun bënëtishi mëníokati ñu aribi Benjamínën me kamanuxun bana oti ꞌain!

Oseas 5:8 ပူးပေါင်းရင်းမြစ်များ

1 Reyes 12:29

Usokin atu katankëxun ka achúshi Betel kakë ëma anu nitsimianan ka bëtsi aribi Dan kakë ëma anu nitsínun ꞌamiakëxa.

Oseas 4:15

Israel unikama mitsux kamina bëtsi bëtsi ñuira ꞌakë ꞌain, ꞌaínbi ka Judánu ꞌikë unikama atun kuni usakin ꞌai ꞌuchatima ꞌikën. ¡Usa ꞌain kamina Guilgalnu kuankantima ꞌain, ꞌianan kamina Bet-avén anuribi kuarutima ꞌain, ꞌianan kamina sinanatëkëntima oi ꞌën anë ñui banatima ꞌain!

Joel 2:1

Aín bashi Sión kakë anuxun ka manë banañu banokanti ꞌikën, ꞌanan ka Nukën ꞌIbun kaisa bashi upíira anuxun uisai ñu ꞌikëbëtan a banamiti aribi banamiti ꞌikën. Kamabi unikama Judá menu tsókë akamax ka bërëti ꞌikën, Nukën ꞌIbun nëtë ka ꞌuramaxa usa ꞌain:

Joel 2:15

¡Manë banañu aín bashi Sión kakë anuxun banokëbëa timëtia kamina! Ëmanu ꞌikë unikama pikëmëti samákanun kati ꞌain;

Amós 3:6

¿manë banañu ëmanuxun banókë ax kara, anua unikama mëníokati ꞌakë ꞌik? Usa kat; ¿ñu ꞌaisama ëmanu inúkë ax ka Dios usai ꞌiti kuëënkëbëa ꞌikë ꞌiti ꞌik? Usa kat.

Jueces 5:14

Raíri Efraínnën unikamaxa anuax ꞌakánanti me anu ukëbë ka atu kaxú Benjamínën suntárukamaribi uaxa. Ukëbë ka Maquir aín ꞌapukamabë umainun Zabulón axribi aín ꞌapukamabë uaxa.

1 Samuel 15:34

Usokin ꞌatankëx ka Samuel Ramá kakë ëmanu kuankëxa. Kuantamainun ka Saúl axribi anua ꞌikë aín xubu Guilgal kakë ëma anu kuankëxa.

1 Samuel 7:17

Usai akama oi nikin atu istánkëx ka anua aín xubu ꞌikë Ramá kakë anubi utëkëankëxa, anuxun ka Israel kama atun ꞌapu ꞌixun ꞌakiankëxa. ꞌAnan ka anuxun ñuina xaroti achúshi maxax bukunrukin Nukën ꞌIbu ꞌaxuankëxa.

1 Samuel 8:4

Usa ꞌain ka kamabi Israel kaman ꞌapubu ax timëkiani Ramá kakë anuax Samuelbë mëranax banai rikiankëxa,