Oseas 5:4 - Kashibo-Kakataibo Biblia

⁴ Bëtsi bëtsi ñua aín ëmanuxun ꞌakë anbi ka Israel unikama aín, Diosmi sinanatëkënun ꞌimiman. Usa ꞌain ka an ꞌakë ñu ꞌatima abi tënëtisama tankin ꞌakë anbi ka aín ꞌIbu Dios sinántisama oia.

Oseas 5:4 ပူးပေါင်းရင်းမြစ်များ

Jeremías 9:24

Usa ꞌain ka uikamax kara rabiakatia, abi rabiakatima ꞌëmi sinani ꞌën kakësabiokin ꞌakë ax ka Dios an ꞌën ꞌunánmikë ꞌikë kixun sinánti ꞌikën, usa ꞌain ka ꞌën ënë menu upíokin ñu ꞌakëbëtan an ka uni nuibatia kixun unin ꞌunánti ꞌikën, usa ꞌain ka unínribi upíoki ñu ꞌati ꞌikën. Ësai ka Nukën ꞌIbu asérabi kiakëxa.

Oseas 13:13

Xanu aín tuákën paëokëx upiti bakënkë, ꞌaínbi túa bana kuakëma usarabi ka Israel unikama ꞌikën,

Oseas 4:1

Israel unikaman ka ësai ka Nukën ꞌIbu kia kuati ꞌikën. An ka ënë menu tsókë unikama nishanankë a uisokin kara ꞌati ꞌikë sinánxa, ënë menu ka uni nuibanani tsókë ꞌaíma ꞌianan, bëtsi uni mëëkaskin uisai kara Diosan bana kia abi ꞌunanima.

Oseas 4:11

Ësaribiti ka Dios kiakëxa: Bëtsi bëtsi unin aín nami ꞌakë xanubë nikin, uvas baka paëokin ꞌakë xëai paëini nikin ka upíokin ñu ꞌati a ëanxa.

Oseas 4:12

Usa ꞌain ka ꞌën unikama atun rabinuxun nitsínkë ikama abë banakin ñukatia; ꞌianan ka aín tsatikama anun uisai kara ꞌiti ꞌikë kixun anun tanti aribi ꞌaia. Usa ꞌain ka ꞌën unikama xanun nami ꞌati kuëëinra ꞌixun, bëtsi ñu ꞌatishi kuëënia: Usa ꞌixun ka aín Dios ꞌikëbi aín nami mëakakë xanukaman abë ꞌikë uni ꞌakësokin ꞌë manuakëxa.

Oseas 4:14

ꞌAínbi kana ꞌën mitsun ini bëchikë xanukama uni aín nami ꞌatima oíma ꞌianan mitsun bëchikënën, bëtsi uni aín nami ꞌamia tëmëramiti ꞌain, mitsúxbi kamina bëtsi bëtsi uni aín nami ꞌakë xanubë ꞌin; ꞌikin kamina a rabikësokin atubë timë́xun ñuina xarokanin. ¡Usokin ꞌai kamina achúshi ëmanu ꞌikë unikaman sinánkimaishi ñu ꞌakë usaribi ꞌikanin!

Oseas 4:6

ꞌËn unikaman ka añu ñubi ꞌunánkëma ꞌiaxa, usa ꞌaish ka ꞌatima okin masókë ꞌiaxa. Usa ꞌain kamina sacerdotekama mitsúxribi ñu ꞌunánkëma ꞌiakën, usa ꞌain kana ꞌënribi anuxun ꞌë rabiti xubunu mikamax ꞌiti kuëëniman. Min kamina Dios ꞌixun ꞌën ꞌunánmikë banakama manua, usa ꞌain kana ꞌëxribi min rëbúnkin kamami manúti ꞌain.

Juan 16:3

Uisa nëtë́nbi Nucën Papa Dios ꞌimainun ꞌëribi ꞌunáncëma ꞌixun ca usoquin mitsu ꞌati ꞌicën.

Juan 8:55

Ax ca Nucën Papa Dios ꞌicë quiquinbi camina mitsun a ꞌunaniman. Mitsúnmi ꞌunaniamabi cana ꞌën a ꞌunan. ꞌËn ꞌunáncëma ca ax ꞌicë quixun mitsu cai cana ꞌëxribi mitsusaribi cëmë ꞌitsían. ꞌËn cana asérabi a ꞌunan. Usa ꞌixun cana axa quicësabi oquin ꞌain.

1 Samuel 2:12

Elínën bëchikë kamax ka sacerdote ꞌaíshbi ñu ꞌatima ꞌakë ꞌaish ꞌatima sinánñubu ꞌiakëxa, usa ꞌixun ka Nukën ꞌIbun kuëënkësama okin ñu ꞌakëxa,