Oseas 5:15 - Kashibo-Kakataibo Biblia

¹⁵ Usakin ꞌatankëx kana anu ꞌëx ꞌikë anu, atunbia sinanakin kana ꞌucha kixun ꞌë baritamainun kuanti ꞌain. Tëmërai bënë́kin ka atun ꞌë bariti ꞌikën.”

Oseas 5:15 ပူးပေါင်းရင်းမြစ်များ

Génesis 42:21

ꞌaínbi ka atúxbi bëtsibë bëtsibë kanankëxa: —Asérabi kananuna nun xukë́nbë ꞌatimonankën, nun kananuna nua uisabi oxuma ꞌanun kakëxun kuakin nuibama ꞌain, axa tëmëraia iskinbi. Usa ꞌain kananuna nuxribi bërí tëmërain.

Salmos 107:13

Usai ꞌi bënë́kin ka Dios an ꞌakinun ñukákankëxa, ñukákëxun ka usai ꞌia bënë́kë a upí tani kuëëtanun atu ꞌakiankëxa;

Salmos 107:19

Usai ꞌi bënë́kin ka Dios an ꞌakinun ñukákankëxa, ñukákëxun ka usai ꞌia bënë́kë a; upí tania kuëëntanun atu ꞌakiankëxa.

Salmos 107:28

Usai bënë́kin ka Dios an ꞌakinun ñukákankëxa, ñukákëxun ka usai bënë́kë a upí tani kuëëntanun atu ꞌakiankëxa;

Salmos 107:6

Usa ꞌi bënë́kin ka Dios ñukákankëxa, ñukákëxun ka usai ꞌia bënë́kë a upí tani kuëëntanun atu ꞌakiankëxa.

Proverbios 8:17

ꞌËn kana uikaman kara ꞌë nuibatia a kamaribi nuibatin, ꞌimainun ka uikaman kara ꞌë baria a kamanribi ꞌë mëraia.

Jeremías 2:27

usa ꞌixun ka achúshi i nikë ësokin kakania: Mix kamina nun papa ꞌain ꞌimainun ka achúshi maxáx ësokin kakania: Mix kamina ꞌën tita ꞌain. Usokin a ñukama ꞌakinbi ka ꞌëmi kasuakëkin aín bëmánan ꞌë ismima. Usai ꞌikinbi ka ꞌaisama ñu inúkin tankinshi ꞌë ꞌakinun kixun kakania: ¡Nu kamina ië́mi uti ꞌain!

Ezequiel 36:31

ꞌImainun ka uínsaran kara atux ꞌatimati tsóanan ñu ꞌatima ꞌai, ꞌuchaxa akama sinania anun rabinkanti ꞌikën, usai ꞌikin ka ꞌatimai ñu ꞌai ꞌuchai tsókë a sinánkanti ꞌikën.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Oseas 5:6

Achúshi nëtën ka atun ovejakama ꞌimainun vacakama buánxun ꞌë barikanti ꞌikën, usokin ꞌakinbi ka atun ꞌë mërakantima ꞌikën, atunuax urakin kana ꞌën ëankën.

Miqueas 1:3

Nukën ꞌIbu ax ka anua ꞌikë anuaxbi ai aín bashi rëbukaman nikuatsini uti ꞌikën.

Números 21:7

Usokëbë anua ꞌikë anu kuanxun ka Israel unibunën Moisés kakëxa: —¡Nukamax kananuna Nukën ꞌIbu ñui ꞌatimati bananan mi ñuiribi ꞌatimati banai ꞌuchan! ¡Usa ꞌain kamina Nukën ꞌIbu ënua runu nëtëminun kati ꞌain! Kakëxun ka Moisésnën atun ꞌuchakama tërënxunun Nukën ꞌIbu ñukáxuankëxa,

Lucas 13:25

Ësa ca: Xubu ꞌibun ca niruquin xubu xëcuë xëputi ꞌicën. Xëpucë camina mitsun ëman nixun xëcuë taxcaquin —nu ca xëócaxun —quixun cati ꞌain. Cacëxunbi ca mitsu cati ꞌicën: Uinuax ucë caramina mitsux ꞌai quixun cana ꞌunaniman.

Jueces 4:3

Jabín kakë ꞌapu ax ka novecientos caballonën nirinkë manë ꞌakë ñu ꞌiakëxa, usa ꞌixun ka a ꞌapun Israel unibu veinte baritia ꞌimikin tëmëramikin ꞌatimokëxa, ꞌatimokëx tëmërakin tankin ka Nukën ꞌIbu an ꞌakinun kixun ñukákankëxa.