Oseas 4:6 - Kashibo-Kakataibo Biblia

⁶ ꞌËn unikaman ka añu ñubi ꞌunánkëma ꞌiaxa, usa ꞌaish ka ꞌatima okin masókë ꞌiaxa. Usa ꞌain kamina sacerdotekama mitsúxribi ñu ꞌunánkëma ꞌiakën, usa ꞌain kana ꞌënribi anuxun ꞌë rabiti xubunu mikamax ꞌiti kuëëniman. Min kamina Dios ꞌixun ꞌën ꞌunánmikë banakama manua, usa ꞌain kana ꞌëxribi min rëbúnkin kamami manúti ꞌain.

Oseas 4:6 ပူးပေါင်းရင်းမြစ်များ

Salmos 119:139

ꞌËx kana ꞌitsaira nishin min bana kikësokin ꞌaíma, axa ꞌëmi nishkë unikamax ka ami manuaxa.

Isaías 1:3

Vaca bënën ka aín ꞌibu ꞌunania, ꞌimainun ka burro bënën anuxua aín ꞌibun pimikë xubu ꞌunania; usa ꞌaínbi ka Israel unikaman ꞌën unibu ꞌixunbi an unio ꞌikëbi ꞌë ꞌunánima ꞌianan ꞌën kakëxunbi bana kuaisama tania.”

Isaías 28:7

ꞌImainun ka raíri unikamaxribi uvas baka vino ꞌakë xëatankëx amá aman kuani nitsia, ꞌimainun ka sacerdote unikama ꞌianan an Dios kikë bana ñuikë unikama atúxribi paë bata kushi a xëatankëx amá aman kuani nitsi kushiñumasa ꞌaish sinanima ꞌatimati banaia; ꞌianan ka namákësokian Diosan ismikëxbi amá aman kuani nikësai ꞌia, ꞌianan ka paën irakë ꞌixun uisakin kara bana mëníoti ꞌikë kixunbi ꞌunanima.

Isaías 45:20

“Kamabi unikama axa bëtsi menu buánkëx tëxëkë, mitsux kamina rikuatsini ꞌurama timë́ti ukanti ꞌain. Mitsun kamina ñu ꞌunánma ꞌixun unínbia, a rabinuxun ꞌakë i a ꞌiabiankin buani kuankanin, an mitsu ꞌakinumabi kamina dioskama ñukákanin, ñukákëxunbi ka a dioskaman mitsu ië́mitima ꞌikën.

Jeremías 2:8

ꞌImainun ka sacerdote kamanribi ꞌën ꞌakinun ꞌë bariti sinánma ꞌikën, ꞌimainun ka an ꞌën bana kuënëo ꞌunánkë unikamanbi ꞌë ꞌunántisamatankëxa, ꞌimainun ka ꞌapukamaribi ꞌëx kikësokin ꞌaisamatamainun, an Dios kikë bana ñuikë unikamaxribi ꞌëmi manutankëx unin rabikë Baal a ñuishi banakëxa, usai ꞌikian a ñukama rabikë ax ka ñankabia ꞌakë ꞌiakëxa.

Oseas 13:6

“Usa ꞌaínbi kamina mitsux piti ꞌitsairañu ꞌikin tani nukamax kananuna usa ira ꞌai kixun sinani ꞌëmi manúkankën.

Oseas 2:13

Usa ꞌain kana bëráma nëtë inumikin atun bëtsi dioskama rabia a kupín tëmëramiti ꞌain, atun ka bëtsi dioskama a rabikin, mëñusuti ꞌimainun aín tëñuti akama ꞌamiakëxa, usakin ꞌai ka bëtsi ñu diosmabi rabi ꞌëmi manúkankëxa ꞌëx Dios ꞌaish kana ësai kin, kiax Dios Israel unikama ñui kiakëxa.

Oseas 4:1

Israel unikaman ka ësai ka Nukën ꞌIbu kia kuati ꞌikën. An ka ënë menu tsókë unikama nishanankë a uisokin kara ꞌati ꞌikë sinánxa, ënë menu ka uni nuibanani tsókë ꞌaíma ꞌianan, bëtsi uni mëëkaskin uisai kara Diosan bana kia abi ꞌunanima.

Oseas 4:12

Usa ꞌain ka ꞌën unikama atun rabinuxun nitsínkë ikama abë banakin ñukatia; ꞌianan ka aín tsatikama anun uisai kara ꞌiti ꞌikë kixun anun tanti aribi ꞌaia. Usa ꞌain ka ꞌën unikama xanun nami ꞌati kuëëinra ꞌixun, bëtsi ñu ꞌatishi kuëënia: Usa ꞌixun ka aín Dios ꞌikëbi aín nami mëakakë xanukaman abë ꞌikë uni ꞌakësokin ꞌë manuakëxa.

Oseas 4:14

ꞌAínbi kana ꞌën mitsun ini bëchikë xanukama uni aín nami ꞌatima oíma ꞌianan mitsun bëchikënën, bëtsi uni aín nami ꞌamia tëmëramiti ꞌain, mitsúxbi kamina bëtsi bëtsi uni aín nami ꞌakë xanubë ꞌin; ꞌikin kamina a rabikësokin atubë timë́xun ñuina xarokanin. ¡Usokin ꞌai kamina achúshi ëmanu ꞌikë unikaman sinánkimaishi ñu ꞌakë usaribi ꞌikanin!

Oseas 5:4

Bëtsi bëtsi ñua aín ëmanuxun ꞌakë anbi ka Israel unikama aín, Diosmi sinanatëkënun ꞌimiman. Usa ꞌain ka an ꞌakë ñu ꞌatima abi tënëtisama tankin ꞌakë anbi ka aín ꞌIbu Dios sinántisama oia.

Oseas 6:6

Usa ꞌain kana mitsunmi ꞌë nuibati a kuëënin, ꞌën kana mitsunmi ñuina rëtankëxun xaroxunti a kuëënima, usa ꞌain kamina ax ka Dios ꞌikë kixun ꞌë ꞌunánkanti ꞌain, usakin ꞌunánkin kamina ꞌë ñuina rëtankëxun ꞌaímai këñutanun xaroxunkantima ꞌain.”

Mateo 1:6

Isaí ax ca David, axa ꞌapu ꞌicë, aín papa ꞌiacëxa. David ax ca Salomonën papa ꞌiacëxa, aín titax ca Uríasnëan casunan xanu ꞌiacëxa.

Mateo 15:14

Fariseo unicamaxa nishiabi camina isëshiti ꞌain. Atun Nucën Papa Diosan bana uni itsi ꞌunánmiti ꞌixunbi ca uisai cara quia quixun ꞌunanima. Ca bëxuñu unisa ꞌicën. Bëxuñu unin abë bëxuñu uni itsi buáncatsi quixun ꞌaíbi ca bëxuñu ꞌixun uin cuanti cara quixun ꞌunanima, a rabëtaxbi aman cuanx quininu nipacëti ꞌicën.

Mateo 15:8

Ënë unicaman ca aín cuëbitanshi ꞌë rabia, ꞌixunbi ca aín nuitu mëu ꞌë sinanima.

1 Samuel 2:12

Elínën bëchikë kamax ka sacerdote ꞌaíshbi ñu ꞌatima ꞌakë ꞌaish ꞌatima sinánñubu ꞌiakëxa, usa ꞌixun ka Nukën ꞌIbun kuëënkësama okin ñu ꞌakëxa,