Oseas 4:17 - Kashibo-Kakataibo Biblia

^17-18 Usa ꞌain ka Israelkama axribi unínbia ꞌakë ñukama rabitinu atsínxun rabia. ¡Usa ꞌain ka kamabi uni axa bëtsi ꞌatima onux timë́ax bëtsibë paë́nkë unikama usaribiti ꞌia! Usai ꞌi amiribi amiribi ñunshinakëkin xanun nami ꞌai ka anun rabinima upiti tsótisa ꞌashi ꞌatimati tsótishi kuëënia.

Oseas 4:17 ပူးပေါင်းရင်းမြစ်များ

Oseas 11:2

ꞌaínbi ka usakin kuënkëxi, ꞌatiaira ꞌëmi ꞌurakankëxa. Usai ꞌikin ka ꞌën unikaman këmëkinshia rabikë dioskama a ñuina xaroxuankëxa, usakin ꞌanan ka sanuira ro aribi ñu tankin ꞌakëkama a xaroxuankëxa.

Oseas 11:6

Usokin ꞌakëbëtan ka atumi nishkë unikama aín ëmakamanua ꞌain manë xëtokën ꞌakin, anúan ëma kënëara aín xëpútikama ꞌatima okin masóti ꞌikën, usakin ꞌakëx ka atun ñu ꞌatima ꞌati sinánkë anunbi ꞌatimati ꞌikën.

Oseas 4:4

Ësai ka Dios kia: “¡Uínbi ka usakin kamina ñu ꞌatima ꞌai kixun bëtsi uni katima ꞌikën! ꞌËx nishkë ax ka sacerdote mimi ꞌëx nishkë ꞌikën.

Mateo 15:14

Fariseo unicamaxa nishiabi camina isëshiti ꞌain. Atun Nucën Papa Diosan bana uni itsi ꞌunánmiti ꞌixunbi ca uisai cara quia quixun ꞌunanima. Ca bëxuñu unisa ꞌicën. Bëxuñu unin abë bëxuñu uni itsi buáncatsi quixun ꞌaíbi ca bëxuñu ꞌixun uin cuanti cara quixun ꞌunanima, a rabëtaxbi aman cuanx quininu nipacëti ꞌicën.

Apocalipsis 22:11

A nëtë ꞌurama ꞌaínbi ca an ñu ꞌatima ꞌacë unicaman an ꞌacësabi oquin ꞌati ꞌicën, axa ꞌuchacë unix ca usabii ꞌuchati ꞌicën, an upí ñu ꞌacë unin ca an ꞌacësabi oquin ꞌati ꞌicën, ax Nucën Papa Dios cuëëncësabi oi ꞌicë unix ca usabi ꞌiti ꞌicën.