Oseas 4:16 - Kashibo-Kakataibo Biblia

¹⁶ Israel unikamax bana kuati ꞌunánma unibu ꞌikën, usa ꞌaish ka burro xanu bërí kanikë bisama usaribi ꞌikën, usa ꞌikë, ¿kara Diosan pasto ꞌapákë upíira anua carnero kamara ꞌakësokin bërúanti ꞌik?

Oseas 4:16 ပူးပေါင်းရင်းမြစ်များ

Jeremías 14:7

¡Nukën ꞌIbu Dios nun ꞌuchakë anbi ka nukama ꞌaisama ꞌimia, usa ꞌain ka mix nuibanankë ꞌain min anë ax upíokin rabikë ꞌiti ꞌikën! Usa ꞌaínbi kananuna mix kikësoi ꞌima ꞌitsaira nukamax mimi ꞌuchan.

Jeremías 31:18

ꞌËn kana Efraínën rëbúnkikama ꞌitsaira masá nuituti ësai kikania kuan: ꞌËx kana bana kuakëma ꞌaish achúshi vaca tuá raëmisama usaribi ꞌiakën, usa ꞌikëbi kamina min ꞌë ꞌunánmamiakën; usa ꞌain kamina amiribishi mi rabitëkënun ꞌë ꞌimiti ꞌain, mix kamina ꞌën ꞌIbu Dios ꞌain.

Jeremías 7:24

ꞌAínbi ka ꞌëx kikësokin ꞌaisama tanan, ꞌën bana kuaisamatani, atun kuëënkësokinshi ñu ꞌatima ꞌatishi sinani ꞌikankëxa. Usakin ꞌakin ka ꞌëmi sinántëkënkinma, atun kuëënkë ñuishi rabiti ꞌakankëxa.

Oseas 11:6

Usokin ꞌakëbëtan ka atumi nishkë unikama aín ëmakamanua ꞌain manë xëtokën ꞌakin, anúan ëma kënëara aín xëpútikama ꞌatima okin masóti ꞌikën, usakin ꞌakëx ka atun ñu ꞌatima ꞌati sinánkë anunbi ꞌatimati ꞌikën.

Oseas 11:7

ꞌËn unikama ka bëtsi ñuishi ꞌai ꞌë ꞌura ꞌia; usa ꞌixun ka bëtsi dioskamaishi nuikin ꞌë ënkanxa; usa ꞌixun kamina ax isa ꞌësamaira kushi ꞌikë kixun sinánkanin, ꞌaínbi ka an mitsu ꞌakintima ꞌikën.

1 Samuel 15:11

—ꞌËnbi upí ꞌiisa sinánkin Saúl ꞌapu ꞌinun ꞌimikëxunbi ka, ꞌën ꞌanun kakësokin ꞌakinma an kuëënkësokin ꞌaxa. Ësokin kakëx ka Samuel masá nuituti ꞌitsaira nishakëxa, usai ꞌiax ka a imë́ Nukën ꞌIbubë bananëakëxa.