Oseas 4:14 - Kashibo-Kakataibo Biblia

¹⁴ ꞌAínbi kana ꞌën mitsun ini bëchikë xanukama uni aín nami ꞌatima oíma ꞌianan mitsun bëchikënën, bëtsi uni aín nami ꞌamia tëmëramiti ꞌain, mitsúxbi kamina bëtsi bëtsi uni aín nami ꞌakë xanubë ꞌin; ꞌikin kamina a rabikësokin atubë timë́xun ñuina xarokanin. ¡Usokin ꞌai kamina achúshi ëmanu ꞌikë unikaman sinánkimaishi ñu ꞌakë usaribi ꞌikanin!

Oseas 4:14 ပူးပေါင်းရင်းမြစ်များ

2 Reyes 23:7

ꞌAtankëxun ka anuax unikama bëtsibë xanumabi atun dios rabi uax ꞌikë, anuxun Nukën ꞌIbu rabikë xubu pana itsikama aribi rurupanan anuxuan xanukaman Aserá kakë diosa a rabi ukë unikaman maruti ñuman xëokin ꞌakë akamaribi masókëxa.

Isaías 1:5

Mitsux kamina uisaxun ñu ꞌatima ꞌati kara kixun sinani kushi kananin, usa ꞌain ka mitsun nami anu ꞌatima oti ꞌaíma ꞌikën. Usa ꞌain ka aín maxkánuribi ankëti chankukë ꞌaish, an ꞌimikëx kushiñuma ꞌikën.

Oseas 14:9

An ñu ꞌunánkë unikama ꞌimainun sinánñu unikama, akaman ka ënë bana kuati ꞌikën: Kamabi ñu Diosan ꞌá ax ka upíokin ꞌá ꞌikën, usa ꞌain ka an ñu ꞌupíshi akë unikaman ax kikësabiokin ꞌaia; usa ꞌaínbi ka ꞌatima sinánñu unikama usakin ñu ꞌaiama Diosan ꞌatima oia.

Oseas 4:1

Israel unikaman ka ësai ka Nukën ꞌIbu kia kuati ꞌikën. An ka ënë menu tsókë unikama nishanankë a uisokin kara ꞌati ꞌikë sinánxa, ënë menu ka uni nuibanani tsókë ꞌaíma ꞌianan, bëtsi uni mëëkaskin uisai kara Diosan bana kia abi ꞌunanima.

Oseas 4:17

Usa ꞌain ka Israelkama axribi unínbia ꞌakë ñukama rabitinu atsínxun rabia. ¡Usa ꞌain ka kamabi uni axa bëtsi ꞌatima onux timë́ax bëtsibë paë́nkë unikama usaribiti ꞌia! Usai ꞌi amiribi amiribi ñunshinakëkin xanun nami ꞌai ka anun rabinima upiti tsótisa ꞌashi ꞌatimati tsótishi kuëënia.

Oseas 5:4

Bëtsi bëtsi ñua aín ëmanuxun ꞌakë anbi ka Israel unikama aín, Diosmi sinanatëkënun ꞌimiman. Usa ꞌain ka an ꞌakë ñu ꞌatima abi tënëtisama tankin ꞌakë anbi ka aín ꞌIbu Dios sinántisama oia.

Amós 2:7

ꞌAnan ka ñuñuma unikamaribi ꞌatima okin tëmëramikin, atun ñu ꞌakëkama mëníoxuntisama tania. ꞌIanan ka aín papan aín nami ꞌakë xanu aribi, aín bëchikënën aín nami ꞌaia, usakin ꞌakin ka ꞌën bana upí ꞌikëbi ꞌaisama bërumia.

Amós 7:17

ꞌAínbi ka ësai Dios kiaxa: Kamina kuati ꞌain min xanu ka ëma xabánubi rakanxun unin aín nami ꞌati ꞌikën, min bakë bëchikë bëbu ꞌimainun xanukamaxribi manë xëtokën ꞌakëx bamati ꞌikën; ꞌimainun ka min mekamaribi bëtsibë bëtsibë ꞌinánankë ꞌiti ꞌikën; ꞌimainun kamina mixribi an Dios rabikëma unikaman menuax bamakë ꞌiti ꞌain, ꞌimainun ka Israel unikamaribi ñatanbiankin aín me ꞌura uankë ꞌiti ꞌikën.

Juan 8:43

¿Uisa cupí caina mitsun ꞌën cacëxun cuatiman? Mitsúnbi cuaisama tanquin camina ꞌën, bana ñuixuncëxunbi cuatiman.

Romanos 3:11

An Nucën Papa Diosan bana cuacë uni ca ꞌaíma ꞌicën. Axa Nucën Papa Diosan sinánmicë ꞌiisa tancë uni ca ꞌaíma ꞌicën.

1 Corintios 6:16

¿Axa xanu ꞌatimabë ꞌicë uni ax ca abë achúshisa ꞌicë quixun caramina ꞌunaniman? Nucën Papa Diosan bana cuënëo quicësabi oi ca uni xanubë rabë́ ꞌaíshbi achúshisa ꞌicën.

Efesios 4:18

Usa ꞌaish ca bëánquibucë ꞌain mancasmatia uni bënë́cësaribi oi ꞌia. Cristo ñui quicë bana cuaisama tancë ꞌixun ca ainan ꞌiti ꞌunáncëma ꞌaish Nucën Papa Diosnan ꞌitsianxbi ainanma ꞌicën.

Hebreos 12:8

Nucën Papa Diosan ca aín unicama ñu ꞌatima ꞌaia oquin amiribishi ꞌatëcënxunma ꞌanun quixun ꞌunánmiquin uisa oquin cara ꞌati ꞌicë usoquin ꞌaia. Usoquin mitsu ꞌacëma ꞌaish camina mitsux asérabi ainanma ꞌaish aín bëchicëma ꞌain.