Oseas 4:13 - Kashibo-Kakataibo Biblia

¹³ Usa ꞌain ka aín bashi manan kuaruxun aín rëbu anuxun sanuira ro a xaronan ꞌaímai këñutanun ñuinaribi xaroia, ꞌimainun ka i roble kakë pëñanakëkë ꞌianan álamos kakë i ꞌimainun muxañu ikama aín tupën tëmúxun ñuina xaroia. Usa ꞌain ka mitsun ini bëchikëkaman bëtsi bëtsi uni aín nami ꞌamia, ꞌimainun ka mitsun bakë bëchikënën xanu min piakakamaribi atun bënë ëanx bëtsi unibë ꞌia.

Oseas 4:13 ပူးပေါင်းရင်းမြစ်များ

2 Reyes 23:7

ꞌAtankëxun ka anuax unikama bëtsibë xanumabi atun dios rabi uax ꞌikë, anuxun Nukën ꞌIbu rabikë xubu pana itsikama aribi rurupanan anuxuan xanukaman Aserá kakë diosa a rabi ukë unikaman maruti ñuman xëokin ꞌakë akamaribi masókëxa.

Isaías 1:29

Usokin ꞌakëbë kamina anuxunmi mitsun dios rabikankë ñu ꞌapákë naëkama anu buküax kuëënkimi dios rabikankë anuax rabinkanti ꞌain.

Jeremías 2:20

Bërí ka ꞌitsabaritia anun mitsun ꞌën bana kuaisamatani ꞌikan ꞌikën, usai ꞌi kamina ꞌëbë ënanankësa ꞌiakën, ꞌianan kamina ꞌë rabitisama tani ꞌikankën. Usai ꞌikin kamina ꞌë kakën: Bërí kananuna min kakësokin ꞌatima ꞌai kixunribi ꞌë kakankën. ꞌIanan ka kamabi aín bashi manámi ꞌikë ꞌimainun i pëñanakëkëkama tëmúxun, xanun uni aín nami ꞌami ꞌikësaishi niakën.

Oseas 11:2

ꞌaínbi ka usakin kuënkëxi, ꞌatiaira ꞌëmi ꞌurakankëxa. Usai ꞌikin ka ꞌën unikaman këmëkinshia rabikë dioskama a ñuina xaroxuankëxa, usakin ꞌanan ka sanuira ro aribi ñu tankin ꞌakëkama a xaroxuankëxa.

Oseas 2:13

Usa ꞌain kana bëráma nëtë inumikin atun bëtsi dioskama rabia a kupín tëmëramiti ꞌain, atun ka bëtsi dioskama a rabikin, mëñusuti ꞌimainun aín tëñuti akama ꞌamiakëxa, usakin ꞌai ka bëtsi ñu diosmabi rabi ꞌëmi manúkankëxa ꞌëx Dios ꞌaish kana ësai kin, kiax Dios Israel unikama ñui kiakëxa.

Amós 7:17

ꞌAínbi ka ësai Dios kiaxa: Kamina kuati ꞌain min xanu ka ëma xabánubi rakanxun unin aín nami ꞌati ꞌikën, min bakë bëchikë bëbu ꞌimainun xanukamaxribi manë xëtokën ꞌakëx bamati ꞌikën; ꞌimainun ka min mekamaribi bëtsibë bëtsibë ꞌinánankë ꞌiti ꞌikën; ꞌimainun kamina mixribi an Dios rabikëma unikaman menuax bamakë ꞌiti ꞌain, ꞌimainun ka Israel unikamaribi ñatanbiankin aín me ꞌura uankë ꞌiti ꞌikën.