Oseas 4:1 - Kashibo-Kakataibo Biblia

¹ Israel unikaman ka ësai ka Nukën ꞌIbu kia kuati ꞌikën. An ka ënë menu tsókë unikama nishanankë a uisokin kara ꞌati ꞌikë sinánxa, ënë menu ka uni nuibanani tsókë ꞌaíma ꞌianan, bëtsi uni mëëkaskin uisai kara Diosan bana kia abi ꞌunanima.

Oseas 4:1 ပူးပေါင်းရင်းမြစ်များ

1 Reyes 22:19

Kia ka Micaíasnën kakëxa: —Mix kamina usai kian, usa ꞌain kamina ꞌën ꞌIbun iskë ñu ñuikin mi kamainun upíokin kuati ꞌain: ꞌËn kana Nukën ꞌIbu anua tsótinua tsókë isan, isanan kana aín ángel naínua ꞌikë kamaribi a rapasu sëtë́kë aín mëkeu raíri ꞌimainun aín mëmiu sëtë́kë isan.

Isaías 1:10

ꞌApukama Sodomanu ꞌiása mitsun kamina ësaia Dios kikë aín bana kuati ꞌain; ꞌimainun Gomorranu ꞌia unikamasa mitsunribi kamina ꞌupiokin nun Diosan bana bëmë́kin kuati ꞌain, nukaman Diosan ka mitsu ꞌunánmisa tania.

Isaías 1:18

Ësai ka Dios kiaxa: “Bërí kamina uisai kaina ꞌikanti ꞌai kiax ënë bana mëníonanti timë́ti ꞌuti ꞌain: Mitsun ꞌuchakamaxa uvas baka chininkë chëxëira iskësa ꞌikëbi kana, axa matsi irukë uxuira uxu iskësa ꞌitánun mitsu mëníoxunti ꞌain; atun ꞌuchakamaxa chupa bëtsi bëtsi ñun pukukë iskësaribi ꞌikëbi kana, ꞌën xapu uxuira uxu iskësa ꞌitánun mëníokin tërënxunti ꞌain.

Isaías 28:14

Mitsux ꞌapu ꞌixun kamina Nun Ibu bana kuati ꞌain, bana kuakëma unibu, mitsux kamina Jerusalénnu ꞌikë unikaman ꞌapu ꞌain.

Isaías 5:3

Usa ꞌain ka Jerusalénnu ꞌikë ꞌimainun Judánu ꞌikë unikama bërí kiti ꞌikën, uix kara ꞌuchaxa, ꞌën ꞌapákë uvaskama ꞌianan karana ꞌëx ꞌucha kiax kiti ꞌikën.

Jeremías 19:3

Ënë bana: Ka Judá menu tsókë ꞌapukama ꞌimainun Jerusalén ëmanu tsókë unikaman kuati ꞌikën, ësokin mitsu kakëxunmi kuakanun ka Nukën ꞌIbu kamabi kushiñu, Israel kaman Dios ax kiaxa: ꞌËn kana ñu ꞌaisama chaiira ënë menu, tsókë unikamaxa a ñuia kuati ꞌitsaira rakuë́kantanun ꞌimiti ꞌain.

Jeremías 2:4

Jacobnën rënbunki Israelnën ꞌaintsikaman ka Dios kikë bana kuati ꞌikën.

Jeremías 2:9

Usa ꞌain kana ꞌëx Min ꞌIbu ꞌaish ësai kin. ꞌËx kana bërí mitsu ꞌimainun mitsun xutakama ñui usakin ka an bana mëníokë ꞌapukaman ꞌanuxun ꞌaia kin.

Jeremías 7:28

Ënë kamina: Aín ꞌIbu Diosan kakëxunbi kuaisama tanan, uisakinbi kati kuëënkëma ꞌianan, uínbi uisokinbi kaisama unibu akama kati ꞌain. Mitsun kamina ax kikësoibi ꞌiti bana a ꞌimainun achúshi ñu mitsubëtan Diosan ꞌa ꞌikëbi ami manúkin a rakan irakan.

Jeremías 9:20

Xanu kamanribi ka Nukën ꞌIbu Dios kikë bana kuati ꞌikën, kuakin ka ain bana upíokin ꞌati ꞌikën. ꞌAnan ka aín tuákamaribi usai kara inti ꞌikë aribi ꞌunámianan, usaía masá nuituti ini kiti ꞌunamiti ꞌikën:

Oseas 5:1

Sacerdotekama mitsun kamina ënë bana kuati ꞌain; ꞌimainun ka Israel kamanribi bëmë́kin kuati ꞌikën; ꞌimainun ka ꞌapun aintsikama upíokin kuati ꞌikën: ꞌËn kana mitsu tëmëramiti ꞌain, mitsun kamina ami ñu ꞌiti nankë usa ꞌixun Mispá anuxun unikama ꞌuchamiakën, ꞌanan kamina achúshi rika sarakaxun satëonkin tëkërëkakësa ꞌixun aín bashi Tabor anuxun ꞌakën,

Oseas 5:4

Bëtsi bëtsi ñua aín ëmanuxun ꞌakë anbi ka Israel unikama aín, Diosmi sinanatëkënun ꞌimiman. Usa ꞌain ka an ꞌakë ñu ꞌatima abi tënëtisama tankin ꞌakë anbi ka aín ꞌIbu Dios sinántisama oia.

Joel 1:2

Kamabi uni ꞌain tukurikubu ꞌimainun axa ënë menu tsókë unikama mitsun kamina ënë bana ꞌupiokin kuati ꞌain. ¿Mitsun kaina ësaia ñu ꞌia isan? ¿Mitsun papan kara tsókë ꞌixun a nëtëkaman ësaia ñu ꞌia isakët? ka isama ꞌikën.

Amós 3:1

Israel unikama mikaman kamina ësai ka Dios kia kuati ꞌain, an ka aín uni ꞌikë Egipto menua chikíankëxa:

Amós 7:16

Usa ꞌain kamina, ësai ka Dios kiaxa aín bana kuati ꞌain. Diosan bana ñuikin kamina Israel unikama katima ꞌain, ꞌianan kamina Isaacnën rëbúnkikamaribi ñui uisa bananbi banatima ꞌain.

Miqueas 6:2

Bashikama ꞌimainun an me tuinkë akaman ka kuati ꞌikën: Nukën ꞌIbu ka aín unikama ꞌatima oti sinania, usa ꞌaish ka Israel unikamami nishia.

Juan 8:55

Ax ca Nucën Papa Dios ꞌicë quiquinbi camina mitsun a ꞌunaniman. Mitsúnmi ꞌunaniamabi cana ꞌën a ꞌunan. ꞌËn ꞌunáncëma ca ax ꞌicë quixun mitsu cai cana ꞌëxribi mitsusaribi cëmë ꞌitsían. ꞌËn cana asérabi a ꞌunan. Usa ꞌixun cana axa quicësabi oquin ꞌain.

Romanos 1:28

Usa unicama ca ami sinántisama tania Nucën Papa Diosan aín sinan upíma ꞌixun ꞌatima ñuira ꞌanun quixun ëanxa.

1 Corintios 15:34

Micama raírinën uisai ꞌiti cara Nucën Papa Dios cuëënia quixun sináncëma ꞌixun camina ñu ꞌatima ꞌain. Ñu ꞌatima ꞌacë ꞌaíshmi rabínun quixun cana ësaquin mitsu cain. Usa ꞌain camina ami sinanati ax cuëëncësabi oi ꞌiquin ñu ꞌatima ꞌatima ꞌain.

Apocalipsis 2:11

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, ax ca bama ꞌaíshbi baísquitancëx Nucën Papa Diosan nëtënu bamatëcëntimoi ꞌiti ꞌicën. A unicamax ca anu axa ꞌëmi catamëcëma unicama bamatëcëncësa ꞌiti anu ꞌitima ꞌicën.

Apocalipsis 2:29

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën.