Oseas 3:4 - Kashibo-Kakataibo Biblia

⁴ Usai akama ꞌikë ꞌain ka Israel unikamax ꞌitsa baritia ꞌapuñuma ꞌianan atun kushi kamañumabi ꞌiti ꞌikën, ꞌianan ka añu ñubi xaroima ꞌianan maxá upíibu akama ꞌianan, sacerdotekaman pañukë chupa abi pañuima: ꞌianan atun aintsia rabikë ñukama abi rabitima ꞌikën.

Oseas 3:4 ပူးပေါင်းရင်းမြစ်များ

Génesis 31:19

Usaia akamax ꞌimainun ka Labán ax aín ꞌarakakë ovejakama bërúanan anuxun aín rani chaxkë́ti kanikë kama tëai kuankëxa, axa anu kuantamainun ka aín ꞌini bëchikë Raquelnën aín papan aín aintsikamabëtan rabikë ñukama a mëkamakin biakëxa.

Génesis 31:34

usaía anuribi aín papa atsínkëma ꞌaínshi ka an rabikë aín dioskama, a bitsishi anu tsotia camellonën kaxunu ꞌakë anu unëishi akamanan tsóbuakëxa. Usaia ꞌikëbëtan ka Labánën kamabi atun xubukamanua barikinbi mërama ꞌikën.

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

2 Samuel 6:14

Usa ꞌain ka David chupa efod lino ꞌakë a pañuax kuani ꞌain kushibëbi kuëëni ransakiankëxa,

2 Reyes 23:24

Josíasnën ka ñubë́ unikama ꞌimainun an ñutankë unikama, ꞌianan aín aintsi kamabëtan rabikë unínbia ꞌakë ñu a ꞌianan bëtsi ñukama ꞌimainun kamabi ñukama anun atun dioskama rabikë ꞌikëa Nukën ꞌIbun kuëënkëma ñukama Judá ꞌimainun Jerusalénnu ꞌikë akama këñuakëxa. Usakin ka a tanti bana kirikanu kuënëo ꞌikë sacerdote Hilquíasnën anuxun Nukën ꞌIbu rabiti xubunua mërakë usakinbi ꞌati kupin ꞌamiakëxa.

Daniel 9:27

Usa ꞌain ka achúshi semana ꞌitëkënkë anun ꞌitsa uni kamabëtan mëníokin achúshi ñu ꞌati ꞌikën, ꞌaínbi ka achúshi semana ꞌikë a nëbë́tsinuxunshi uínbi ñuina ꞌaímai këñutanun Dios xaroxuanan ñu ꞌinainshitima ꞌikën. Usa ꞌain ka anuxun ñuina Dios xaroxunkë ax ꞌatima tikiti ꞌikën, usa ꞌain ka ꞌami kuaikin usakin an ꞌakë uni a Diosan ꞌatimaira oti ꞌikën, kiax ka kiakëxa.” (Bana ꞌunánkë uni raírinën sinánkëx ka achúshi semana ꞌain ki kikë ax siete baritia ꞌikën.)

Oseas 13:10

Usa ꞌain kara ¿uinu bërí min ꞌapu, an ëmakamanua mi ië́miti ax ꞌik? ꞌAíma ka. ¿Uinu kara mitsún kushibu ꞌimainun ꞌapukama anëxunti ñuká ꞌapu ax ꞌik?

Oseas 13:11

ꞌËn kana mimi nishkinbi mitsux mi ꞌapuñu ꞌinun ꞌimiakën, ꞌimitankëxunbi kana mimi nishkin mi ꞌapu bikuankën.

Oseas 2:11

ꞌËn kana kuëënkian fiestakama ꞌakë a ꞌimainun ꞌuxë ió ꞌikëbëtan akë akama ꞌianan anun ñu mëëtima nëtë́an timë́kë akama këñuan, kamabi atux a ꞌai timë́kë akamaribi këñuti ꞌain.

Lucas 21:24

Uni raíri ca unin abë ꞌacananquin ꞌanuxun ꞌaia, raírinëx ca bëtsi bëtsi menu buáncë ꞌiti ꞌicën. Usaquin ꞌaquin ca judíosma unicaman Jerusalén ꞌatimonan anu ꞌixun aín cuëëncësa oquin ꞌati ꞌicën, atúan usoquin ꞌati nëtëa sënë́ncëbëtan.

Juan 19:15

Cacëxun ca cuëníshoquin cacëxa: —Ca bamati ꞌicën, ca bamati ꞌicën. I curúsocënu ca matas. Cacëxun ca Pilátonën cacëxa: —¿ꞌËn carana mitsun ꞌapu i curúsocënu matásmiti ꞌain? Quia ca sacerdotenën cushicaman cacëxa: —Nun ꞌapu itsi ca ꞌaíma ꞌicën. Césarnëxëshi ca nun ꞌapu ꞌicën.

Hebreos 10:26

Jesucristomi catamëcë ꞌixunbi nunbi ꞌaisa tanquin ënquinma ñu ꞌatima amiribi amiribi ꞌai cananuna nun ꞌucha tërë́nun Jesucristomi catamëti cuëëncëma cupí nun ꞌucha tërë́ncëma ꞌaish usabi ꞌiti ꞌain.

Jueces 8:27

A kurikama timë́kë ka Gedeónën achúshi ñu pará ꞌinun ꞌakëxa ꞌakë ka a rabikanti Ofrá kakë ëma anu nitsíankëxa, usokin ꞌakë ka kamabi Israelkamax efod a rabi Nukën ꞌIbumi sinánma ꞌikën, usakian Gedeónën ꞌakë ax ka ainan ꞌimainun aín aintsikamanan achúshi ñu ꞌaisama ꞌakë ꞌiakëxa.

1 Samuel 14:3

Siló kakë menu ꞌikë sacerdote Ahías ax ka anbia usakin ꞌakë ꞌixun lino ꞌakë chupa efod kakë a uankë ꞌiakëxa. Ax ka Ahitud aín bakë bëchikë Icabodnën piaka ꞌiakëxa, ꞌimainun ka Fineesnën bakë bëchikë Elí, Nukën ꞌIbun sacerdote Silónu ꞌikë aín baba ꞌiakëxa. Usa ꞌaínbi ka aín unibë ka Jonatán kuanxa kixun unin ꞌunánma ꞌikën.

1 Samuel 15:23

Usa ꞌaish ka uin kara ax kikësokin ꞌaima ax ami ꞌuchai an ñu tankë unikamasa ꞌiti ꞌikën; usa ꞌaish ka ñu tankin ꞌaxun rabikë unikamasa ꞌixun Diosan kakësokin ꞌaima ami ꞌuchaia. Usa ꞌaínbi kamina min an kikësokin ꞌakëma ꞌain, an kakësokin kamina ꞌaisama tanin, usa ꞌikë ka ꞌapu ꞌikëbi mi ꞌakintima ꞌikën.

1 Samuel 2:18

Usokia atun ꞌamainun ka, bëná ꞌixun Samuelnën efod kakë chupa upíira lino ꞌakë a pañukë ꞌixun Nukën ꞌIbun ñu mëëti ënkinma abi ꞌakëxa.