Oseas 3:2 - Kashibo-Kakataibo Biblia

² Usa ꞌain kana Gómer ꞌën xanu ꞌinun bitëkënuxun mapai rabë́ ꞌimainun mapai achúshi, manë uxua ꞌakë kuríkinën kupíokin maruakën ꞌimainun kana trescientos treinta litronu ꞌikë cebada maruan.

Oseas 3:2 ပူးပေါင်းရင်းမြစ်များ

Génesis 31:41

ꞌËx kana veinte baritia min xubunu ꞌiakën, ësai kana ꞌëx ꞌiakën: min bëchikë xanu rabë́ bixun kana catorce baritia mi ñu mëëxuankën; ꞌimainun kana min ñuinakama bërúankin mapai achúshi ꞌimainun achúshi baritia ñu mëakën; ꞌaínbi kamina usakin ꞌë kupíokatsi kixun ꞌë kupíoma ꞌain.

Génesis 34:12

Nun kananuna bëtsi uni ꞌitsamashi kupíokin ꞌaxëkë ꞌain, ꞌaínbi kananuna mitsux kuëënia min chirabakë kupín uiti karamina kuëënin atibi mitsu ꞌinánan a ñukama kaina kuëënin akamabi mitsu ꞌinánun ꞌë kati ꞌain, ꞌaínbi kana ꞌëx pain mitsun chirabakëbë birananti ꞌain.

Oseas 3:3

Usakin ꞌaxun kana ꞌën kan: ꞌitsa nëtën kamina ꞌën xubunu ꞌëbë ꞌiti ꞌain; usa ꞌain kamina bërí bëtsi bëtsi uni min nami ꞌamima ꞌianan uni itsibë ꞌitima ꞌain. Usa ꞌain kana ꞌënribi anun nun ñu ꞌati nëtë ꞌitámainun uisa ñubi ꞌatima ꞌain, kiax ka kiakëxa.”

Rut 4:10

ꞌImainun kana mitsun ismainunbi Rut moabita xanu raëmëkëa aribi ꞌën xanu ꞌiti biti ꞌain, usa ꞌain ka a me ꞌën bikëbë aín bënë Mahlón ñua aínbi aín anë ñunuax nëtë́tima ꞌikën, ꞌianan ka uisaxunbi ënë ëmanuxun manukë ꞌitima ꞌikën. Bërí kamina mitsúnbi usakin ꞌaia isin.

1 Samuel 18:25

Usakin ñuixunkëxun ka Saúlnën an ñu ꞌakinkë unikama David filisteo unikama ꞌamiti sinánkin ësakin kakëxa: —David kamina ꞌën ꞌini bëchikë aínan ꞌiti bikian, añubi ꞌë ꞌinanxuma ꞌanun kati ꞌain, ꞌëx kana ꞌapu ꞌaish kuëënin ꞌëa cien filisteo uni ꞌaxun aín nëtokë ñu rëbu maxaka tëakin bixun bëxunun kati ꞌain, usakin ꞌakëbëtan kana ꞌëmi nishkë unikama ꞌatima oti ꞌain. Asérabi ka Saúl filisteo unikaman ꞌati kuëëankëxa.