Oseas 2:8 - Kashibo-Kakataibo Biblia

⁸ Aínbi ka xanun ꞌëx kana an ñu ꞌinánkin trigo, uvas baka vino ꞌakë xëni akama pishínmikinma ꞌinánkëxunbi ꞌën ꞌinánkë ka ax ꞌikë kixun ꞌunánma ꞌikën; ꞌën manë uxua ꞌimainun kuri akama cha ꞌinun ꞌinánkëxunbi ka a rabinuxun ñukama tankin uniokëxa.

Oseas 2:8 ပူးပေါင်းရင်းမြစ်များ

Job 19:8

Diosan ka tëmëramikin ꞌën ꞌati ñukama ëmikin unin anun niti bai bëarakësa usaribi ꞌitánun ꞌën ꞌati ñukama ꞌë ëmiaxa; ꞌianan ka ꞌën ꞌati ñukama bëánkibukënën bai mapukësa ꞌinun ꞌimiaxa.

Isaías 1:3

Vaca bënën ka aín ꞌibu ꞌunania, ꞌimainun ka burro bënën anuxua aín ꞌibun pimikë xubu ꞌunania; usa ꞌaínbi ka Israel unikaman ꞌën unibu ꞌixunbi an unio ꞌikëbi ꞌë ꞌunánima ꞌianan ꞌën kakëxunbi bana kuaisama tania.”

Isaías 46:6

Anu ka unikama ꞌaisamaira kuri aín ñusuti bianan manë uxua, bitankëxun anun ñu tupúnti ꞌakë anun tupunkë ꞌikën; usakin ꞌatankëxun ka an ñu unioti ꞌunánkë achúshi uni baritankëxun abi rantinpuruni tsóbuti ami ñanákian rabinun ꞌaxúnun ꞌinania.

Jeremías 7:18

Atun bakë bëchikë ꞌimainun ꞌini bëchikëkaman ka karu bitsinkin bëia, bëia ka atun papakaman ërë́rutanun tikaia usokëbëtan ka xanukaman harina chabóxun pán bata ꞌinun ꞌatankëxun, atunbia rabinuxun xanu tankin ꞌakë, naíkamë ꞌëonu ꞌikë kakin anëkë ꞌapu xanu a ꞌinania. ꞌInánan ka atúnbi ꞌunánkëma bëtsi dioskama aribi uvas baka vino ꞌakë rabikin ꞌinánkin ꞌë nishmia.

Daniel 3:1

ꞌApu Nabucodonosornën ka achúshi ñu tankian kuri ꞌanun ꞌamiakëxa. Aín chaxkë́ ka treinta metro manan ꞌinun ꞌakë ꞌiakëxa ꞌimainun ka rabë́ ꞌimainun achúshi metro aín naxba ꞌinun ꞌamiakëxa, ꞌamitankëxun ka Dura kakë me sapan anua achúshi ëma cha Babilonianu ꞌikë anu nitsínun aín unikama kakëxa.

Daniel 5:23

Usa ꞌain kamina mix ꞌapu ꞌaish Nukën ꞌIbu Dios naínu ꞌikë ami kuaikin mesanuxun ami xëakë xampakama anuxun Dios rabiti xubunua ꞌia akama bëan, bëxun kamina min kamikë unikamabëtan ami uvas baka paëokin vino ꞌakë xëakin min dioskama kuri, manë uxua, manë panshian, manë tunan, i ꞌakë ꞌimainun maxá ꞌakë mitsun dioskama rabikin ami xëan; akaman ka isima ꞌimainun kuatima ꞌianan ka añu ñubi ꞌunanima. Usa ꞌaínbi kamina Dios an mix ꞌapu ꞌikë bërúankin tsónun ꞌimikë a rabikëma ꞌain, an ka an kuëënkësa okin mi kamabi ñu min ꞌakë a ꞌanun mi ꞌamiaxa.

Oseas 2:5

Aín titax ka bëtsi bëtsi uni aín nami ꞌamikë ꞌiakëxa; usa ꞌaínbi ka upí sinánñu xanu ꞌikë a nëtë́ti kiakëxa: Abë ꞌëx ꞌikë unikama a kana bari kuanti ꞌain, atun ka ꞌën piti ꞌimainun ꞌumpax, ꞌianan ꞌën pañuti chupa lino ꞌakë a ꞌianan, xëni ꞌimainun a ꞌën xëati akama ꞌë ꞌinania.

Oseas 4:11

Ësaribiti ka Dios kiakëxa: Bëtsi bëtsi unin aín nami ꞌakë xanubë nikin, uvas baka paëokin ꞌakë xëai paëini nikin ka upíokin ñu ꞌati a ëanxa.

Habacuc 1:16

Usa ꞌain ka an tsatsa bikë unikaman atun rika rabianan, atun mishkitikama aribi ñuina xaroxunkin, asábi ka kakin a kupí kananuna upí pitiñu ꞌianan, ꞌitsaira pitiñu ꞌai kiax kia.

Lucas 15:13

ꞌInáncëx ca ꞌitsamashi nëtë ꞌicëbë aín ꞌanácanëx aín ñucamacëñun aín curíqui mëníobiani ꞌura ꞌicë menu ꞌi cuanxa. Cuanxun ca upí oquin sinanima aín cuëëncësari ꞌianan anun bëtsi bëtsi ñu ꞌaisama ꞌaquin, camaishi aín curíqui cëñuaxa.

Romanos 1:28

Usa unicama ca ami sinántisama tania Nucën Papa Diosan aín sinan upíma ꞌixun ꞌatima ñuira ꞌanun quixun ëanxa.

Deuteronomio 8:18

Usa ꞌain kamina mitsun Diosmishi sinánti ꞌain, an ka kushi okin mitsux mi kamabi ñu binux kushinun mitsu ꞌimiaxa, ꞌimikin ka ax kikësabiokin achúshiñu nukën chaitiokë kamabëtan ꞌasaribiokin ꞌaxa.