Oseas 2:3 - Kashibo-Kakataibo Biblia

³ Usakin ꞌaiama kana achúshi uni chupañuma ꞌikë usaribi ꞌitánun atiaira ënti ꞌain: usakin ꞌakin kana anuan bakë́an nëtë́a ꞌiásaribitia ꞌinun ꞌimiti ꞌain, ꞌimianan kana anu uni ꞌikëma mesa ꞌinun bëtsiokëbë, aín me ëskinun ꞌimiti ꞌain, usakin ꞌakëbë ka shiman bamati ꞌikën.

Oseas 2:3 ပူးပေါင်းရင်းမြစ်များ

Éxodo 17:3

Kakëxunbi ka ñunshinakëkin Israel unikaman shiman bamatisaira tankin ami nishkin Moisés kakankëxa: —¿Ësokin ꞌanuxun karamina nu Egipto menua chikínbëtsinkin ënu bëan? ¿Uisoti karamina nun bëchikë ꞌimainun nun ñuina kamakëñunbi shiman bamaminuxunbi nu chikían?

Isaías 33:9

Mex ka uni ñukë ꞌain masá nuitukë usa ꞌikën, Líbano me axribi ka anu ꞌikë ikama chushikë ꞌain unix ꞌikësai rabinkësa ꞌikën, ꞌimainun ka Sarón kakë me sapan kiankë axribi anu uni ꞌikëma mesa ꞌikën, ꞌimainun ka Basán me ꞌianan Carmelo kakë bashi anu ꞌikëkama axribi me ëskikëbë xanani ikama axribi aín pëchi rëukubutia.

Isaías 64:10

Min ëmakama upíbu ax ka anu uni ꞌikëma mesa bërí ꞌikën, ꞌimainun ka Jerusalén axribi rurupakin masókankëxa.

Jeremías 14:3

Usai ꞌimainun ka ñuñuira unikaman an ñu mëmikë unikama ꞌumpax bitánun xutia; xukëx kuanxunbi ka atun anua ꞌumpax biti ꞌakë kini anua ꞌumpaxñuma okin, anun ꞌumpax biti ꞌakë na buankankë a ñankáishi buani ritëkënkiani; ꞌumpaxbitsi kuanxi ꞌumpaxñuma obiani kuani, chupan rabinkësa ꞌaish mamápukukankëxa.

Jeremías 2:31

(Axa bërí tsókë mitsun kamina ꞌën bana upíokin kuati ꞌain, ꞌëx kana Dios ꞌain.) Israel unikama, ¿ꞌëx karana anu uni ꞌikëma mesa mitsunan ꞌian? ¿ꞌianan karana anua me ꞌitsaira bëánkibukë chichabiantisama usaribi mitsunan ꞌian? ꞌËn unikama, ¿uisa kupín kaina: bërí kananuna uisa ñu ꞌatimabi inútima ꞌai kianan, uínsaranbi kananuna mi sinántëkëntima ꞌai kikanin?

Jeremías 2:6

Usai ꞌikin ka ꞌën Egipto menua chikían ꞌixunbi ꞌë bariti sinánkama ꞌikën, anu uni ꞌikëma me, me ëskikë ꞌimainun kuëtú me, ꞌumpaxñuma ꞌimainun anun nisama ꞌatima me, anu uni tsókëma ꞌianan, me anun uni nikëma anun nitsiabi ꞌën ꞌakian, a sinánkin ꞌë rabiti sinánma ꞌikën.

Oseas 13:15

Israel unikamaxa ñu uábuti ꞌikësai mëníokakëbëbi ka suñu amiaxa bari urukë amiax bëkiti ꞌikën, usai ꞌika suñu kushiira anu uni ꞌikëma memiax bëkiti ꞌikën; usai ꞌikëbë ka anua rakákë anuax ꞌumpax ëskimainun xëxá upikamaribi ëski ꞌaíma ꞌiti ꞌikën. Usai ꞌikëbëtan ka axa ami nishkë unikaman atun ñu upíbu akama bikin ꞌibuati ꞌikën.

Oseas 2:10

Aín bënëan achúshi xanu bëtsi bëtsi unibë ꞌikë abëa ꞌikë unikaman istánun aín chupa biküanxun mëëkë usaribi okin kana Israel unikama an bëtsi bëtsi dioskama rabikë unikaman istánun ꞌati ꞌain. Usakin ꞌaia ka uínbi usakin kamina ꞌatima ꞌai kixun ꞌë katima ꞌikën.

Apocalipsis 17:16

A mëcën rabë́ matúxca a isquinmi mëcën rabë́ ꞌapu sináncë, acaman ca ami nishquin a xanu ñusmoti ꞌicën. Ñusmonan ca chupañuma ꞌimianan aín nami pianan tsin nëënti ꞌicën.

Jueces 15:18

ꞌImainun ka usokin ꞌatankëx Sansón ꞌitsaira shimakë ꞌixun, Nukën ꞌIbu kuënkin kakëxa: ¿Min kamina axa numi nishkë unikama ënë kupitanunma ꞌanun ꞌë ꞌamian, usakin ꞌaxunbi kaina bërí ꞌë shiman bamanun ꞌimianan axa min bana kuakëma unikama ꞌëx ñukëbë ꞌënun kuainun ꞌimiti ꞌain?