Oseas 2:19 - Kashibo-Kakataibo Biblia

¹⁹ ꞌËn kana Israel unikama ꞌën xanusa xënibua ꞌaínbi ꞌinun ꞌimiti ꞌain, usokëx ka asérabi a tanti bana unin ka xanu biti ꞌikë ꞌëx kia usaibi ꞌiti ꞌikën, ꞌën kana a ꞌitsaira nuibatin.

Oseas 2:19 ပူးပေါင်းရင်းမြစ်များ

Isaías 1:27

ꞌËn kana asérabi ꞌëx kikësabiokin an uni ië́mikë a ꞌain, usa ꞌixun kana Jerusalénnu tsókë unikama axa ꞌëmi sinántëkënkë akama ꞌiëmitëkënti ꞌain;

Isaías 54:14

Usa ꞌain ka ñu ꞌatima ꞌaíma upiti tsókë an mi kushioti ꞌikën, usai ꞌia uínbi mi uisabi okëma ꞌaish kamina rakuë́tima ꞌain, usai ꞌi kamina rakuë́tan bamati sinántëkënima upitax tsóti ꞌain.

Isaías 54:5

ꞌianan ka an mi unio an aín xanusa ꞌikë mi biti ꞌikën. Aín anëx ka Nukën ꞌIbu kamabi kushiñuira ꞌikën; ax ka an mi bitëkënti Israel unikaman Dios upíira a ꞌikën, ꞌianan ka Dios kamabi me an unio a ꞌikën.

Isaías 54:6

Mix kamina xanu chipash aín bënën ꞌatimati nitsia ënkësa ꞌaish tëmërai ꞌiakën, ꞌaínbi ka min Diosan amirbishi nuitëkënun mi kaxa.

Oseas 14:4

Ësai ka Dios kia: ꞌËn kana Israel unikama ñunshinakëkia atun ꞌakë ñukama mëníoxunti ꞌain; usokin ꞌakin kana ꞌën nuibaisa ꞌikëmabi atu nuibati ꞌain, ꞌëx atumi nishtankëxunbi kana atu nuibatëkëan.

Joel 3:20

Usa ꞌain kana ꞌën an ñu ꞌatima ꞌakëma uni akama kana ꞌaima kikínma ꞌati ꞌain. ꞌAínbi ka Judá ꞌimainun Jerusalén ax anu uni tsókë ꞌiti ꞌikën, ꞌimainun kana ꞌëx Dios ꞌaish aín bashi Sión kakë anu ꞌiti ꞌain, kiax ka Dios kiakëxa.

Juan 3:29

Ësa ca. Ainan ꞌinúan unin bicëx ca xanu ainan ꞌia. Ainan ꞌiti xanu bitsia uni cuëëni banaia cuati ca axa abë nicë uníxribi cuëënia. Usaribiti cana ꞌëx —unicaman ca Jesusan bana cuatia —quixunmi mitsun ꞌë cacëxun cuati chuámarua tani cuëënin.

Romanos 7:4

ꞌËn xucë́antu, usaribi camina mitsux ꞌain. Usai uni ꞌiti bana quicësa oíshi ꞌiá ꞌaíshbi camina bërí abë axa bamaxbi baísquicë Cristo ami catamëti, aín bana quicësabi oíshi ꞌin. Usa ꞌixun camina ax cuëëncësabi oi ꞌiquin Nucën Papa Dios cuëënmin.

2 Corintios 11:2

Cristonainshi ꞌinun cana mitsu aín bana ñuixuan. Usa ꞌixun cana xanúxa bëtsi unin bana cuatima aín bënën banaishi cuati ami sináncësaribi oi, mitsux bëtsi bana quicësa oíma Cristo quicësabi oíshi ꞌiti cupí, mitsu cain, Nucën Papa Diosan ꞌë sinánmicëxun.

Apocalipsis 21:2

Isanan cana Jerusalén ëma ió, upíira upí, Nucën Papa Diosan nëtënuaxa ubutia isan. ꞌËn iscëx ca upíira upí ꞌiaxa, xanúxa bërí bënunux upiti mëníocacësaribi.