Oseas 2:15 - Kashibo-Kakataibo Biblia

¹⁵ Usokin ꞌatankëxun kana atun ꞌapá uvakama atu ꞌinántëkënkin, me sapan Acor kakë anua ꞌapákëxa ꞌitsaira bimiñu ꞌinun ꞌimiti ꞌain. Anuxun ka bëná ꞌixuan ꞌasa okin ꞌanan, anúan Egiptonuax chikíkë nëtë anun ꞌasaribiokin ꞌë kati ꞌikën.

Oseas 2:15 ပူးပေါင်းရင်းမြစ်များ

1 Reyes 16:31

usakin ñu ꞌatima ꞌai ka Jeroboam Nabatnën bakë bëchikë ꞌiásaribiti ꞌuchakinbi ka ꞌaisama ñu ꞌakinma kana upí ñuishi ꞌati ꞌai kixun sinánma ꞌikën. Usai chaiira ꞌuchaibi ka a sinanima Sidónu ꞌikë ꞌapu Et-baal kakë aín ini bëchikë xanu achúshi Jezabel kakë abë biranankëxa, usai ꞌixun ka Baal kakë unin ꞌakë dios a rabiakëxa,

Isaías 65:21

Anua ꞌikë unikama ka atun xubu ꞌatankëx anu tsókanti ꞌikën, ꞌianan ka uvas ꞌapáxun bimia a kuti ꞌikën.

Jeremías 2:1

Nukën ꞌIbu Diosan ka ësokin ꞌë kakëxa:

Jeremías 2:2

Anu kuanxun kamina Jerusalén ëmanua ꞌikë unikama; munuma kuëníshkin upíokian kuanun kati ꞌain: ¡Ësakin mitsu kanun ka Nukën ꞌIbu kiaxa! ꞌËn kana bëná pain ꞌixunmi ꞌën kakësabiokin ꞌá a sinanin, usa ꞌixun kamina an biti unían mëratiokëxun xanun nuikësa ꞌinun mitsun ꞌë nuibakën, ꞌimainun kamina anu uni ꞌikëma me anu ñu ꞌapátisama anuxunbi ꞌë ꞌakiankën.

Oseas 11:1

ꞌËn kana Israelkama ꞌën uni ꞌikë tuá xura ꞌakësokin nuibakën; usa ꞌixun kana atu Egipto menuax chikitia ꞌën bëchikë ka ax ꞌikë kixun kakën:

Oseas 13:4

Ësai ka Dios kia: ꞌËx kana mitsun ꞌIbu ꞌianan Dios ꞌain, usa ꞌaish kana anunmi Egipto menu ꞌikankë anubi anu ꞌiakën: Usa ꞌain kamina bëtsi dios ax ꞌiisa min Dios ꞌikë kakin unántima ꞌain, ꞌëx ishi kana an mi ië́miti a ꞌain.

Oseas 2:12

Aín uvas ꞌapákëkama ꞌimainun higuera, ꞌapákëkama a ñuia xanu ax ësai kia: Ënëx ka abë ꞌixun bëtsiñu diosmabi rabikë axa ꞌëbë ꞌikë unikaman ꞌë ꞌinan ꞌikë kikë akama kana këñuti ꞌain. Usakin ꞌakëbëtan ka axa me ꞌatima ꞌikëbëtan anua raëkëma ñuinakaman piti ꞌikën.

Amós 9:14

Usai ꞌikëbëtan kana ñatanbiankin ami nishkë unikaman aín menu buan Israel unikama bëtëkënti ꞌain. Bëkëxun ka amiribishi anuax kaikin atun ëmakama birutëkënkin ꞌatankëx anu tsókin; uvakama ꞌapáti ꞌikën ꞌapáxun ka aín baka xëati ꞌikën; ꞌanan ka aín xubu rapasu ñu ꞌapáxun bimia aín bimi piti ꞌikën.

Zacarías 9:12

¡Ñatanbiankin uan mitsun kamina ꞌën ꞌakinti kainin! ¡Usa ꞌain kamina amiribishi Jerusalénnu kuantëkënti ꞌain! ꞌËn kana mitsu kain, anuxun kana tëmëraimi bamai këñúkan usamaira ꞌimi ꞌuakamë ꞌëotëkënun ꞌimiti ꞌain.

Juan 10:9

ꞌËx cana anua carnero ꞌicë cënënu anun atsínti xëcuësaribi ꞌain. Axa ꞌëmi catamëcë unicama ax ca Nucën Papa Diosnan ꞌinux iëtia. Usa ꞌaish ca chuámashirua ꞌaish, carnerocama cënënuax chiquíxun pasto pitancëx atsíntëcëncësaribi ꞌiti ꞌicën, ꞌen bërúancëx.

Hechos 14:27

Usa ꞌain ca bëbaxun axa Jesucristomi catamëcë unicama timëacëxa. Timëxun ca Nucën Papa Diosan ꞌamicëxuan ꞌacë ñucama ñuixuanan —judíos unicamaxëshima, judíosma unicamaxribi ca Nucën ꞌIbu Diosan sinánmicëx Jesucristomi catamëtia —quixun ñuixuancëxa.

Jueces 8:34

Usokin ami manuxun ꞌai ka ax atubë ꞌakanankatsi kixun sinánkë unikaman atu bëarabuinkë ꞌikëbia an ꞌakinkë Nukën ꞌIbu amira manúkankëxa,