Oseas 2:13 - Kashibo-Kakataibo Biblia

¹³ Usa ꞌain kana bëráma nëtë inumikin atun bëtsi dioskama rabia a kupín tëmëramiti ꞌain, atun ka bëtsi dioskama a rabikin, mëñusuti ꞌimainun aín tëñuti akama ꞌamiakëxa, usakin ꞌai ka bëtsi ñu diosmabi rabi ꞌëmi manúkankëxa ꞌëx Dios ꞌaish kana ësai kin, kiax Dios Israel unikama ñui kiakëxa.

Oseas 2:13 ပူးပေါင်းရင်းမြစ်များ

Éxodo 32:34

Usa ꞌain kamina ënë unikama a me ꞌinánnuxun mi kakë anu uanti ꞌain. ꞌËn ángel kana an mi rëkuë́n obianun xuti ꞌain. ꞌImainun kana uínsaran kara uni ꞌaisamaira tëmëramiti nëtë ꞌia a nëtën, kana atun ꞌucha kupín ꞌën ꞌaisamaira tëmëramikin ꞌatima oti ꞌain.

Jeremías 18:15

Usa ꞌaínbi ka ꞌën kaískë unikaman ꞌë manutankëxun, ro sanuira aribi xarokin, atunbia ꞌakë ñukama ashi rabikin ꞌë manukanxa. Usai ꞌika anua nia bai xëni a ëni, ꞌën usai ꞌiti kakë banakama a manui, atun ꞌunánkëma bain kuankësa ꞌinun ꞌëx kia banakama a manukankëxa.

Jeremías 2:32

¿Achúshi xanun kara unibë mëranankia bikë ꞌain mëñusutikama manukin rakanti ꞌik? Usa ꞌaínbi ka ꞌën unikama, ꞌitsaira baritia ꞌimi ꞌëmi manúakëxa.

Jeremías 23:2

Nukën ꞌIbu Israel unikaman Dios an ka aín unikama ꞌakinkë ꞌapukama ësokin kaia: “Mitsun kamina ꞌën kaískë unikama bërúankinma abístanun abámian. Usa ꞌain kana ꞌën uisakin kaina ñu ꞌaisama ꞌan usakinbi mitsu tëmëramiti ꞌain. ꞌËx kana Dios ꞌaish ësai kin.

Jeremías 7:34

ꞌËn kana Judánu ꞌikë ëmakama ꞌimainun Jerusalénnu anun niti ꞌakë anuaxa unikamax fiesta ꞌai kuëëni kantakë ꞌimainun xanu bitsi kuëëni kantakë akama nëtë́nun ꞌimiti ꞌain, usaía ꞌinun ꞌimikëbëka kamabi ëma anu uni ꞌikëma mesa ꞌiti ꞌikë kiax ka Dios kiakëxa.

Jeremías 7:9

Mitsun kamina ñu mëkamanan uni ꞌanan, bëtsi unin xanubë ꞌianan, këmëishi anuxun bana mëníokë anuxun bëtsi uni ꞌuchonan, asérabi ñu ꞌakatsi kianan a rabikankë Baal rabikin sanuira ro xaroxuanan, mitsun usakin ꞌati ꞌikëmabi unínbia a rabinuxun ꞌakë dioskama a rabikanin,

Oseas 11:2

ꞌaínbi ka usakin kuënkëxi, ꞌatiaira ꞌëmi ꞌurakankëxa. Usai ꞌikin ka ꞌën unikaman këmëkinshia rabikë dioskama a ñuina xaroxuankëxa, usakin ꞌanan ka sanuira ro aribi ñu tankin ꞌakëkama a xaroxuankëxa.

Oseas 13:6

“Usa ꞌaínbi kamina mitsux piti ꞌitsairañu ꞌikin tani nukamax kananuna usa ira ꞌai kixun sinani ꞌëmi manúkankën.

Oseas 2:5

Aín titax ka bëtsi bëtsi uni aín nami ꞌamikë ꞌiakëxa; usa ꞌaínbi ka upí sinánñu xanu ꞌikë a nëtë́ti kiakëxa: Abë ꞌëx ꞌikë unikama a kana bari kuanti ꞌain, atun ka ꞌën piti ꞌimainun ꞌumpax, ꞌianan ꞌën pañuti chupa lino ꞌakë a ꞌianan, xëni ꞌimainun a ꞌën xëati akama ꞌë ꞌinania.

Oseas 2:7

Usai ꞌikin ka ꞌain mërati ꞌikë unikama nuiti ꞌikën, ꞌaínbi ka nukutima ꞌikën; ꞌianan ka barikinbi mëratima ꞌikën. Usakin mërakima tani ka kiti ꞌikën: Ax paían ꞌën bënë ꞌia uni anubi kana kuantëkënti ꞌain, abë kana bërí ꞌëx ꞌikësamai upiti tsóakën.

Oseas 4:13

Usa ꞌain ka aín bashi manan kuaruxun aín rëbu anuxun sanuira ro a xaronan ꞌaímai këñutanun ñuinaribi xaroia, ꞌimainun ka i roble kakë pëñanakëkë ꞌianan álamos kakë i ꞌimainun muxañu ikama aín tupën tëmúxun ñuina xaroia. Usa ꞌain ka mitsun ini bëchikëkaman bëtsi bëtsi uni aín nami ꞌamia, ꞌimainun ka mitsun bakë bëchikënën xanu min piakakamaribi atun bënë ëanx bëtsi unibë ꞌia.

Oseas 4:6

ꞌËn unikaman ka añu ñubi ꞌunánkëma ꞌiaxa, usa ꞌaish ka ꞌatima okin masókë ꞌiaxa. Usa ꞌain kamina sacerdotekama mitsúxribi ñu ꞌunánkëma ꞌiakën, usa ꞌain kana ꞌënribi anuxun ꞌë rabiti xubunu mikamax ꞌiti kuëëniman. Min kamina Dios ꞌixun ꞌën ꞌunánmikë banakama manua, usa ꞌain kana ꞌëxribi min rëbúnkin kamami manúti ꞌain.

Amós 8:10

Usokin ꞌanan kana fiesta ꞌaia kuëënkankë aribi uni bamakë ꞌain nitë́xëkë usaribi ꞌinun ꞌimiti ꞌain, ꞌimainun ka atúxa kantakë axribi maínnuxun bamaia uni bënini rarumakë usaribi ꞌiti ꞌikën; usakin ꞌimikëx kamina uni ñukëbëtan pañukë chupa a pañuanan mitsux, ka nitë́xëtia kixun unin istánun anun paëi ꞌën ꞌimikëx nikin mitsun bu tëai maxkúkanti ꞌain, usai ꞌika aín bakë bëchikë achúshira ñumiaxa uni masá nuituti inkë usai ꞌikanti ꞌikën, usai ꞌika kamaxi aín sinan nishkëoi ꞌikanti ꞌikën.

Deuteronomio 32:18

Israel unibu mitsun kamina min papasa ꞌixuan mi ꞌakinkëxunbi manuakën; Dios an mitsu anumi tsóti ꞌinánkë a kamina manukankën.

Deuteronomio 6:12

Usakin ꞌaínbi kamina mitsun ꞌIbu ami manútima ꞌain, an ka Egipto menuxun, ñu mëëi ꞌaisamaira tëmëraiabi mitsu chikíankëxa.

1 Samuel 12:9

Usokin ꞌakinkëxbi ka Nukën ꞌIbu Diosmi atux manúkankëxa, usai ꞌia okin ka ax atumi nishkë unikaman abë ꞌakanankin kupimikinma ꞌanun Hasor ëmanu ꞌikë ꞌapu Jabín aín suntárunën kushi Sísaranën an bërúankë suntárukamabëtan ꞌanun ꞌamiakëxa, ꞌaia ka filisteo unikama ꞌimainun Moabnu ꞌikë ꞌapu anribi atubë ꞌakanankin ꞌakëxa.